Parıjde Roza Baǵlanovanyń 100 jyldyǵyna arnalǵan kontsert ótedi

NUR-SULTAN. QazAqparat – Qazan aıynda Parıjdegi ıÝNESKO shtab-páterinde ánshiniń 100 jyldyǵyna arnalǵan mereıtoılyq kontsert ótedi, dep habarlaıdy QazAqparat Mádenıet jáne sport mınıstrliginiń baspasóz qyzmetine silteme jasap.

«2022 jyldyń 1 qańtarynda aty ańyzǵa aınalǵan ánshi Roza Baǵlanova 100 jasqa tolady. Qazaqstan men KSRO Halyq ártisi, Qazaqstannyń halyq batyry, Ekinshi dúnıejúzilik soǵys maıdandarynda jaýyngerlerge kontsert qoıǵan. Ol bizdiń elimizde jáne shetelde ánsúıer qaýym arasynda áli de tanymal. Onyń esimin máńgi este saqtaý úshin is-sharalar qabyldaýdy tapsyramyn», - dep tapsyrma bergen edi Memleket basshysy.

Mádenıet mınıstrliginiń habarlaýynsha, Roza Baǵlanovanyń 100 jyldyq mereıtoıyn ótkizý jónindegi jalpyrespýblıkalyq jospar ázirlengen. Onda kontsertter, kórmeler, fılmder kórsetilimi sekildi 2022 jylǵa josparlanǵan 41 is-shara bar.

«Kúni keshe ǵana Máskeýde fotokórme uıymdastyrylyp, merekelik kontsert ótti. Qazan aıynda Parıjdegi ıÝNESKO shtab-páterinde ánshiniń 100 jyldyǵyna arnalǵan mereıtoılyq kontsert ótedi», - deıdi mınıstrlikten.