Parıjde Olımpıada oıyndary aldynda mıgranttar kóshirile bastady

<p>ASTANA. KAZINFORM &ndash; Polıtsııa mıgranttardy Parıjdegi ýaqytsha lagerden kóshire bastady. Alaıda baspanasyz toptarǵa kómek kórsetý toptary bul jazǵy Olımpıada oıyndaryna daıyndyqqa baılanysty jasalyp jatqanyn aıtty, dep habarlaıdy <a href="https://ru.euronews.com/2024/04/23/france-migrant-camps" target="_blank" rel="noopener">Euronews.&nbsp;</a></p>

Frantsýz polıtsııasy lagerden Batys Afrıkadan kelgen 30-ǵa jýyq jasóspirim men jastardy qýyp jiberdi. Quqyq qorǵaýshylar men úısizderge kómek kórsetý uıymdary muny «áleýmettik tazartý» dep ataǵan. Kóshirilgenderdiń kóbi kámeletke tolmaǵandar, olar turýǵa yqtııarhat almaq bolǵan.

«Biz bul Olımpıada oıyndaryn uıymdastyrýmen baılanysty dep oılaımyz. Mundaı evakýatsııa Parıjde birneshe aı boıy apta saıyn qarqyndy túrde júrip jatyr, bul kóshede turatyn barlyq adamdarǵa áser etedi», - dedi «Le revers de la medaille» tobynyń múshesi Orelı ıÝo.

Polıtsııa bul operatsııanyń qaýipsizdik maqsatynda, ásirese ýaqytsha lager keıbir mektepterge jaqyn bolǵandyqtan júrgizilgenin aıtty.

«Bul – Olımpıada aldynda Parıjde bolyp jatqan áleýmettik tazartýdyń taǵy bir mysaly. Polıtsııa Parıjdegi barlyq lagerlerdi evakýatsııalap jatyr. Óıtkeni Olımpıadaǵa jáne týrısterge jol ashqysy keledi. Olar Parıjdiń mıgranttarmen jáne baspana izdeýshilerge toly bolǵanyn kórgisi kelmeıdi», - dedi «Ýtopııa 56» ÚEU múshesi Elıas Hýfnagel.

Bul jańalyq polıtsııa Parıjdiń ońtústigindegi Frantsııanyń eń úlken skvotterler lagerinde aýqymdy kóshirý júrgizgennen birneshe kún ótken soń tarady. Kómek kórsetý toptary mıgranttar Parıjden alys jerge kóshirilip jatqanyn atap ótti.