Parıjde Qazaqstannyń Táýelsizdik kúnine arnalǵan kontsert ótti
Sheteldik kórermenderdi tamsandyrǵan «FORTE-TRIO» memlekettik trıosynyń bul kontserti Qazaqstan Táýelsizdiginiń 30 jyldyq mereıtoıyna arnalǵan halyqaralyq gastrolder aıasynda ótti.
Qazaqstandyq ártister Parıj tórinde ornalasqan áıgili Sortot zalynda óner kórsetti. Ǵasyrǵa jýyq tarıhy bar, akýstıkasy erekshe bul kontserttik zaldy álemdik klassıkalyq ónerdiń jaryq juldyzdary erekshe baǵalaıdy.
FORTE-TRIO kontserti týraly osydan biraz ýaqyt buryn Sortot zalynyń saıtynda jarııalanǵan afısha kórermen nazaryna birden ilikti. Trıonyń sheberligi qazaqstandyq ártisterdiń ónerin tamashalaýdy asyǵa kútken kórermenderdiń kóńilinen shyqty. Trıo ártisteri – Qazaqstannyń eńbek sińirgen qaıratkeri, ujymnyń negizin qalaýshy Tımýr Ýrmancheev (fortepıano), halyqaralyq baıqaýlardyń laýreattary Murat Narbekov (vıolonchel) pen Sholpan Mankeeva (skrıpka) otandyq mýzykalyq ónerdi joǵary deńgeıde kórsete bildi.
Ulttyq jáne álemdik klassıkalyq repertýardan turatyn kontserttik baǵdarlama talǵampaz sheteldik kórermendi birden baýrap aldy. Ártister halqymyzdyń ulttyq qundylyqtary kórinis tapqan «ıApýraı» jáne «Kóroǵly» týyndylaryn usyndy. Sondaı-aq S.Rahmanınov, K.Debıýssı, I.Brams syndy álemdik kompozıtorlarynyń úzdik shyǵarmalary oryndaldy. Trıo Eýrazııa keńistiginde ornalasqan ujym retinde túrli mýzykalyq baǵyttardy sheber ıgergenin taǵy da dáleldeı tústi. Ystyq yqylasyn aıamaǵan tyńdarman ártisterge zor qoshemet kórsetip, birneshe ret bıske shaqyrdy.
Kontsertke arnaıy shaqyrylǵan Qazaqstannyń Frantsýz Respýblıkasyndaǵy elshisi Jan Ǵalıev, «Habar» Agenttigi» AQ Basqarma Tóraǵasy Erlan Bekhojın, ıÝNESKO ókilderi kontsertke joǵary baǵasyn berdi.
Qazaqstan elshisi Jan Ǵalıev atap ótkendeı, FORTE-TRIO gastrolderi eki el arasyndaǵy mádenı yntymaqtastyqtyń nyǵaıa túsýine óz úlesin qosty.
- Frantsýz halqy osy kontsertte elimizdiń klassıkalyq mýzyka óneriniń úzdik úlgilerin tamashalaı alǵandyǵyn maqtan tutamyn. Bul keshte kórermen bizdiń ártisterdi san márte bıske shaqyryp, jibergisi kelmedi. Menińshe, osyndaı zor yqylas – qazaqstandyq ártisterdiń ónerine berilgen naǵyz joǵary baǵa. Eýropa tórinde turyp jatqan barsha qazaqstandyqtar úshin bul erekshe maqtanysh. Osyndaı úlken kontserttiń Táýelsizdik merekesi jáne Qazaqstan men Frantsııa arasyndaǵy dıplomatııalyq qarym-qatynastardyń 30 jyldyǵy qarsańynda ótip jatqany qýantady, - dedi Jan Ǵalıev.
Halyqaralyq gastrolder aıasynda ótken alǵashqy kontsertten alǵan áserimen Qazaqstannyń eńbek sińirgen qaıratkeri, pıanıst Tımýr Ýrmancheev bólisti:
«Parıj kórermenderi bizdi óte jaqsy qabyldady. Bizdiń trıo sheteldegi otandastarymyz úshin osyndaı merekelik kontsert ótkizgenine qýanyshtymyn».
Kontsertten keıin kóp kórermen óz pikirlerin ortaǵa saldy. Olardyń qatarynda belgili aqyn Tólegen Aıbergenovtyń nemeresi Aınar Aıbergenova da boldy.
- Sóz joq, tamasha kontsert. Sheteldikter bul kontsertten Qazaqstannyń baı mádenıetin tanı aldy. Ártisterdiń ónerin aıryqsha atap ótken jón. Parıj tórinde ótip jatqan mundaı keremet kontserttiń kýágeri bolǵanyma rızamyn, - dep jetkizdi ol.
Trıonyń Frantsııadaǵy gastroldik sapary 23 jeltoqsanǵa deıin jalǵasady. Kelesi kontsertter Theatre de la sinne (Mıýlýz, 16 jeltoqsan) teatrynda, Merııanyń tarıhı saraıynda (Nansı, 17 jeltoqsan) jáne ataqty «Moliere» zalynda (Lıon, 22 jeltoqsan) ótedi.
Eske salsaq, «Forte Trio» – elimizdegi belgili kameralyq-aspaptyq ansamblderdiń biri. Trıonyń shyǵarmashylyǵy Qazaqstanda da, shetelde de keńinen tanylǵan. Forte Trio Mádenıet jáne sport mınıstrligine qarasty «Roza Baǵlanova atyndaǵy «Qazaqkontsert» memlekettik kontserttik uıymynyń quramyn kiredi.