Parıjde Qazaqstannyń ádebıet ortalyǵy ashylady
Mınıstrliktiń baspasóz qyzmetiniń habarlaýynsha, atalǵan shara «Rýhanı jańǵyrý» ulttyq baǵdarlamasyn halyqaralyq deńgeıde ıÝNESKO shtab-páterinde tanystyrý aıasynda ótedi. Qazaqstan ádebıetteri ortalyǵy QR Mádenıet jáne sport mınıstrligi, Syrtqy ister mınıstrligi, Frantsııadaǵy Qazaqstannyń Elshiliginiń qoldaýymen ashylady.
QR Ulttyq akademııalyq kitaphanasy halyqaralyq ıÝNESKO uıymynyń aıasynda ótetin ótetin «Qoǵamdyq sanany jańǵyrtý: qazaqstandyq jol jáne N.Nazarbaevtyń úlgisi» konferentsııasyna qatysady. Osy is-shara aıasynda Ulttyq akakdemııalyq kitaphana birqatar mádenı is-sharalardy ótkizýdi josparlap otyr.
Qazaqstannyń ádebıet ortalyǵynyń saltanatty ashylýyna Frantsııadaǵy Qazaqstannyń Tótenshe jáne Ókiletti Elshisi Nurlan Dánenov, BULAC Shyǵys tilderi men mádenıeti ınstıtýty kitaphanasynyń dırektory Maria-Lise Tsagouria hanym, Qazaqstan Respýblıkasynyń Ulttyq akademııalyq kitaphanasynyń basshysy Úmithan Muńalbaeva, ıÝNESKO jáne ISESKO halyqaralyq uıymdarynyń ókilderi, Qazaqstannyń qoǵam men mádenıet qaıratkerleri jáne zııalylary, Frantsııadaǵy qandastardyń qaýymdastyǵynyń ókilderi, Parıjdegi JOO stýdentteri qatysady.
Aıta keterligi, BULAC kitaphanasy Shyǵys tilderi men mádenıeti ınstıtýtynyń ǵımaratynda ornalasqan. Bunda qujattar, kitaptar, baspasóz, monografııalardyń jáne t.b. asa baı qory saqtalǵan. Kitaphanada shyǵys tilderin zertteý jáne oqý, sonymen qatar Okeanııa, Azııa, Afrıka jáne taǵy basqa materıkter órkenıetin zertteý boıynsha málimetterdiń qory bar. Sonymen birge, álem elderiniń tarıhy, saıasaty jáne ekonomıkasyn zertteýge kóp kóńil bólinedi.
Osy oraıda, Qazaqstannyń ádebıet ortalyǵynyń ashylýy shyǵys tilderi men mádenıeti ınstıtýtynyń professorlyq-oqytýshylyq quramyna qazaq halqynyń salt-dástúrin, mádenıetin, ónerimen jaqyn tanysýǵa múmkindik beredi. Bul Táýelsiz Qazaqstannyń jetistikteri men onyń ekonomıka, saıasat, áleýmettik salalaryndaǵy tabystaryn kópshilikke tanystyrýǵa jol ashady.
Ortalyqta QR Prezıdenti Nursultan Nazarbaevtyń, sonyń ishinde, onyń álemdik saıası arenadaǵy orny men róline arnalǵan kitaptary, tarıh, ǵylymı-kópshilik jáne kórkem ádebıeti boıynsha 200-ge jýyq kitaptar usynylady.