Parıjde Qazaqstandaǵy saıası reformalar talqylandy

PARIJ.QazAqparat - Seısenbi kúni Frantsııa astanasynda «Jańa Qazaqstan: demokratııalyq saılaý qorytyndysy boıynsha jańa kózqaras, syn-qaterler men perspektıvalar» atty sarapshylar konferentsııasy ótti, dep habarlaıdy QazAqparat tilshisi.

Ortalyq Azııa boıynsha jetekshi frantsýz sarapshylary men QR Elshiligi dıplomattarynyń qatysýymen ótken is-shara Parıjdegi BUU-nyń CINUP ýnıversıtetaralyq komıtetiniń qoldaýymen Cercle National Des Armées ǵımaratynda ótti.

Konferentsııa elimizde júrgizilip jatqan saıası reformalarǵa baılanysty frantsýz sarapshylary men saıasattanýshylary arasynda úlken qyzyǵýshylyq týdyrdy. Sharaǵa Ortalyq Azııa boıynsha tanymal frantsýz sarapshylary, sondaı-aq bolashaǵy zor saıasattanýshylary qatysty.

Konferentsııany ashqan Qazaqstan Respýblıkasynyń Frantsııadaǵy Elshisi Gúlsara Arystanqulova jınalǵandardy elimizde bolyp jatqan saıası oqıǵalardan habardar etti. Qazaqstandyq dıplomat QR Parlamentiniń tómengi palatasyna jaqynda ótken saılaý týraly aıtty.

«Búginde Qazaqstan qoǵamynda jańa Azamattyq jáne saıası mádenıet qalyptasýda. Bir jyldan az ýaqyt ishinde Qazaqstanda Ulttyq referendýmdy qosa alǵanda, bes saılaý naýqany ótti. Júrgizilip jatqan reformalardyń negizinde «myqty Prezıdent - yqpaldy Parlament - esep beretin Úkimet» formýlasy jatyr», - dedi QR Elshisi.

Sonymen qatar, qazaqstandyq dıplomat Qazaqstan Respýblıkasynyń Prezıdenti Q.Toqaevtyń Qazaqstan Respýblıkasy Parlamentiniń jańa quramy aldynda sóılegen sózinde saıası júıeni jetildirýge baǵyttalǵan reformalar jalǵasatyny týraly aıtqanyn atap ótti.

Frantsııanyń Ortalyq Azııa elderi boıynsha jetekshi sarapshysy Katrın Pýjol Qazaqstandaǵy reformalar Ortalyq Azııadaǵy ozyq jáne progressıvti reformalardyń biri degen baǵa berdi. Onyń pikirinshe, elimizdiń basshylyǵyna jospardy iske asyrý qarqynyn saqtaý mańyzdy, bul óńirdegi úlgili modelge aınalady.

Al, Frantsııadan kelgen saıasattanýshy qazaqstandyq saılaýshylardyń «jasyldardyń» paıdasyna jetkilikti tańdaý jasamaǵanyna ókinish bildirdi. K.Pýjoldiń aıtýynsha, ekologııalyq qozǵalystardyń kún tártibi Eýropada ózekti ekenin jáne klımatty saqtaý máseleleri tek Eýropa kontınentinde ǵana belsendi qozǵalǵanyn qalamaıtynyn aıtty.

Konferentsııa moderatory, sarapshy Erık Gıshon Qazaqstan men Frantsııanyń qazirgi jaǵdaıda qarym-qatynastardy damytýdyń bolashaǵy zor ekenin qosty. Onyń baǵalaýy boıynsha, Qazaqstan óńirde strategııalyq jaǵdaıǵa ıe jáne Parıj bizdiń elimizdi basym seriktes retinde qarastyrady.