Parıjde qazaq qyzy frantsýzdyqtarǵa orys tilin úıretip júr - baspasózge sholý
***
Bıyl - Qazaqstan halqy Assambleıasynyń jyly. Sebebi, ótken jyly Memleket basshysy Nursultan Nazarbaevtyń Jarlyǵymen 2015 jyl - Qazaqstan halqy Assambleıasynyń jyly dep jarııalanǵan edi. Sondyqtan, halyqtyq sıpatqa ıe bul shara jyl boıy elimizdiń jer-jerinde aıryqsha mánde atalyp ótpek. «Egemen Qazaqstan» gazetiniń jazýynsha, keshe QHA jylynyń ashylýyna arnalǵan saltanatty rásim Beıbitshilik jáne kelisim saraıynda uıymdastyryldy. Saltanatty sharada elimizdiń memlekettik hatshysy Gúlshara Ábdiqalyqova Assambleıa jylynyń ashylýyna baılanysty Qazaq¬stan Prezıdenti, Qazaqstan halqy Assambleıasynyń Tóraǵasy Nursultan Nazarbaevtyń quttyqtaý sózin oqyp bergen. Onda: «Búgin elimizde meniń Jarlyǵymmen jarııalanǵan Qazaqstan halqy Assambleıasynyń jyly resmı ashylyp, bastalady. Jyl eń basty ortaq qundylyqtarymyz - Táýelsizdigimizdi, egemendigimizdi, birligimizdi, Qazaqstan halqynyń beıbitshiligi men kelisimin saqtaýǵa arnalady. Osydan 20 jyl buryn, 1995 jyldyń 1 naýryzynda bizdiń qoǵamdaǵy beıbitshilik pen kelisimdi saqtaýǵa arnalǵan biregeı ınstıtýt - Qazaqstan halqy Assambleıasyn qurý týraly Jarlyqqa qol qoıdym. Osy ýaqyt aralyǵynda Assambleıa shynaıy túrde jalpyhalyqtyq, azamattyq, saıası múddelerden joǵary turǵan uıym retinde tanyldy, konstıtýtsııalyq mártebege ıe boldy. Búgingi tańda Qazaqstan halqy Assambleıasy elimizdegi barlyq ult pen ulysty bir shańyraq astyna toptastyratyn mańyzdy qurylymǵa aınaldy. Sondyqtan Assambleıa jyly - 17 mıllıon qazaqstandyqtardyń ortaq merekesi. Elimizdiń árbir azamaty atamekenimizdegi beıbitshilik pen kelisimdi saqtaýǵa jaýapty ekenin aıqyn sezinýi kerek. Bul - Qazaqstan bolashaǵynyń negizi», - delingen. Maqala «Yrys aldy - yntymaq» degen taqyryppen berilgen.
***
Elbasy óz Joldaýynda halyqtyń salaýatty ómir saltyn qalyptastyrýyna erekshe mán berdi. Endeshe 2015 jylǵa bul salaǵa qansha qarajat bólinip jatyr, qandaı jumystarǵa nazar bólinbek? Osy jóninde «Aıqyn» gazeti Salaýatty ómir saltyn qalyptastyrý problemalary Ulttyq Ortalyǵynyń dırektory Jámılá Battaqovadan bilgen jan-jaqty bilgen. Basylym tilshisiniń barlyq saýalyna tuşymdy jaýap bergen ortalyq dırektory: «Medıtsınalyq saqtandyrý engiziledi, qazir soǵan daıyndalýdamyz. Soǵan oraı kóptegen jospar qurylmaq. Bizdiń maqsatymyz - aqparattyq túsindirý jumystaryn júrgizý. Sondaı-aq elektrondy densaýlyq saqtaýdy engizip jatyrmyz. ıAǵnı árkimde jeke pasporty jáne ıdentıfıkatsııalyq nomeri bolady. Sol avtomattandyrylǵan baǵdarlama arqyly elektrondy túrde shaqyrý, elektrondy tirkeý jumystary júredi. Sonymen qatar, biz árbir adam telefondaǵy vebkúndelik júrgizsin degen usynysymyzdy da aıtqanbyz. Onda salmaǵyn, boıyn, qalaı tamaqtanady, dene shynyqtyrýǵa qansha ýaqytyn bóledi, temeki shegý sııaqty jaǵymsyz qylyqtary bar ma, bolsa kúnine neshe ret shegedi degen málimetterdi tizip otyrýy tıis. Sol aqparattarǵa qarap dárigerlerge de patsıentke keńes berý jeńil bolady. Bul jyly týberkýlez, jynystyq qatynas arqyly juǵatyn ınfektsııalar, VICh, SPID jáne ana men bala aýrýlaryna kóńil bólemiz», - deıdi. Suhbat «Dárigerler aqparattyq túsindirý jumysyn kóbirek júrgizýi kerek» degen taqyryppen berilgen.
«Qazaqstandyq ádil sot tóreligi barlyq negizgi halyqaralyq standarttarǵa sáıkes keledi. Keshe Joǵarǵy sot tóraǵasy Qaırat Mámı sheteldik bıznesmenderge osylaı málimdedi. Bul kúni Astanada sýdıalar iri ınvestorlarmen kezdesip, tartymdy ınvestıtsııalyq klımatty qalyptastyrý máselelerin talqylady», - dep jazady «Aıqyn» gazeti senbilik sanyndaǵy «Investorlarmen ǵana jumys isteıtin jeke sot paıda bolýy múmkin» degen taqyryptaǵy maqalasynda. Basylymnyń jazýynsha, usynylyp otyrǵan jańa model boıynsha birinshi ınstantsııa - «Astana qalasy sotynyń ınvestorlardyń, qarjylyq ortalyq qatysýshylarynyń daýlaryn qaraý boıynsha mamandandyrylǵan quramy» bolady. Bul rette iri ınvestorlar úshin birinshi saty retinde «Joǵarǵy sottaǵy Investıtsııalyq daýlardy qaraý boıynsha mamandandyrylǵan alqa» qurylady dep kózdelýde. Barlyǵy úshin sońǵy ınstantsııa - «Joǵarǵy sottyń Azamattyq jáne ákimshilik isteri boıynsha qadaǵalaýshy sot alqasy» bolmaq.
***
«Álııa Kenjebaeva Kókshetaýda dúnıege kelip, al búginde Parıjde turyp jatyr. Ol orys tilin meńgergisi kelgen frantsýzdyqtarǵa arnaıy mektep ashqan», - dep jazady «Ekspress K». Ol 2013 jyly óziniń jeke kásipkerligin tirkegen.
«Shyndyǵynda, meniń jobam birshama ózgeriske ushyrady. Bastapqyda bul til kýrsymen qatar orys taǵamdaryn daıyndaý boıynsha dárister bolatyn. Keıinirek men tek qana til úıretýge bet burdym. Parıjde orys tilin úıretetin shamamen onǵa jýyq mektep bar. Sondyqtan maǵan básekelesterden qalaı erekshelený kerektigin jete túsiný qajet boldy. Sodan keıin men óziniń jeke ádistememdi jasadym, ıaǵnı, 24 saǵat ishinde orys tilin meńgerý», - deıdi Á.Kenjebaeva. Maqala «Prıchýdy globalızatsıı: kazashka ýchıt frantsýzov rýsskomý ıazyký» degen taqyryppen berilgen.
***
«Air Astana jolaýshylary ózderin Almatydan Gonkong baǵytyndaǵy túngi reıs barysynda tonaǵandyqtaryn aıtýda», - dep jazady «Vremıa» gazeti. Al kompanııa bolsa mundaı aıyptaýlarǵa «jeke zattaryńdy ózderiń qorǵańdar», dep jaýap bergen kórinedi. Sonymen qatar tergeý amaldarynyń nátıjesin kútýge de keńes bergen. Ulttyq áýe kompanııasynyń 4 jolaýshysy bir qaladan ekinshi qalaǵa ár kúnderi ushqan kezde zattarynyń urlanǵandyǵyn aıty, polıtsııaǵa shaǵymdanǵan. Olardyń aıtýynsha, qol júkterinen 5 myńnan 29 myń dollarǵa deıingi somadaǵy qarjy qoldy bolǵan. Tolyǵyraq «Dengı ıschezaıýt v polnoch» degen taqyryptaǵy maqalada baıandalǵan.