Parıjde Berdibek Soqpaqbaevtyń «Meniń atym Qoja» kitabynyń frantsýz tilindegi aýdarmasy tanystyryldy

<p>PARIJ. KAZINFORM &mdash; Parıjde ıÝNESKO-nyń shtab-páterinde belgili jazýshy, qazaq balalar ádebıetiniń klassıgi Berdibek Soqpaqbaevtyń 100 jyldyǵyna arnalǵan konferentsııa ótti. Іs-shara aıasynda &laquo;Meniń atym Qoja&raquo; kitabynyń frantsýz tiline aýdarylǵan nusqasynyń tusaýkeseri uıymdastyryldy.</p>

Mádenıet jáne aqparat mınıstrliginiń málimetinshe, konferentsııaǵa ıÝNESKO Bas dırektorynyń orynbasary Ernesto Ottone, Qazaqstan Mádenıet jáne aqparat mınıstrliginiń Arhıv, qujattama jáne kitap isi komıtetiniń tóraǵasy Rýstam Álı, Qazaqstan Jazýshylar odaǵynyń tóraǵasy Mereke Qulkenov jáne TÚRKSOI halyqaralyq uıymyndaǵy Qazaqstan ókili Baqytjan Omar qatysty. 

Foto: Mádenıet jáne aqparat mınıstrligi

Qatysýshylar Berdibek Soqpaqbaev kitabynyń aýdarmasy frantsýz oqyrmandaryna qazaq mádenıetin tanytyp, Qazaqstan halqynyń baı dástúrleri men qundylyqtaryn ashatynyna senim bildirdi.

Berdibek Soqpaqbaevtyń 100 jyldyǵynyń ıÝNESKO-nyń ataýly datalar kúntizbesine engizilýi onyń álemdik mádenıetke qosqan úlesiniń mańyzdylyǵyn kórsetedi. 1952 jyldan bastap Qazaqstan Jazýshylar odaǵynyń múshesi bolǵan qalamger kózi tirisinde-aq qazaq balalar ádebıetiniń klassıgi retinde tanyldy. Balalardyń ǵana emes, eresekterdiń de súıikti jazýshysyna aınalǵan onyń shyǵarmashylyǵy urpaq tárbıesinde áli kúnge ózektiligin joımaı keledi. 

Foto: Mádenıet jáne aqparat mınıstrligi

Qazaqstan tarapy ıÝNESKO-ǵa is-sharany uıymdastyrýdaǵy qoldaýy úshin alǵys bildirip, qazaq halqynyń murasyn halyqaralyq arenada nasıhattaıtyn mádenı is-sharalardyń mańyzdylyǵyn atap ótti. 

Foto: Mádenıet jáne aqparat mınıstrligi

Bıyl qazaq ádebıetiniń klassıgi Berdibek Soqpaqbaevtyń týǵanyna 100 jyl tolady. Onyń shyǵarmalary qazaq mádenıetine eleýli áser etip, oqyrmandardyń bir emes, birneshe urpaǵyn tárbıelep keledi. Jazýshynyń mereıtoıy ıÝNESKO-nyń ataýly kúnder kúntizbesine engenin jazǵan bolatynbyz.

Foto: Mádenıet jáne aqparat mınıstrligi