Parıjde Álemdik gaz kongresi ashylady
08:15, 01 Maýsym 2015
ASTANA. QazAqparat - 1 maýsym kúni Frantsııa astanasy Parıjde 26-shy Álemdik gaz kongresi (ÁGK) óz jumysyn bastamaq. Versal qaqpasy kórme keshenine álemdik gazdyń jalpy alǵanda 95 paıyzyn óndirip otyrǵan 70-ten astam jetekshi energetıkalyq kompanııalardyń ókilderi jınalady.
Álemdik gaz kongresi - gaz salasyndaǵy basty oqıǵalardyń biri. Úsh jylda bir ret ótetin bul sharaǵa tek top-menedjerler ǵana emes, energetıka salasynyń eń bedeldi zertteýshileri, Ulttyq zertteý ınstıtýttarynyń ókilderi qatysady.
Bul joly pikirsaıystar «Ǵalamsharǵa qamqorlyq jasaý arqyly turaqty damý» uranymen ótedi. Forýmnyń ıesi Frantsııa eliniń Total jáne Engie kompanııalary muny kezdeısoq tańdaǵan joq: jeltoqsan aıynda Parıj klımat boıynsha sammıt ótkizbek, qazirgi kezde oǵan Elıseı saraıy daıyndyq jumystarymen belsendi júrgizip otyr.