Parıjdi jaılaǵan qandala poıyz arqyly Londonǵa jetti

<p>Garrı Robertsonnyń úıinde qaptap ketken qandalamen kúresip júrgenine biraz ýaqyt boldy. Bir jyldan astam ýaqyt boıy ol jaqyn dostary men týystarynan oqshaýlanyp, tósegine jatýǵa da qorqyp júrdi. QazAqparat bul týraly <a href="https://ru.euronews.com/2023/10/06/bedbugs-come-to-london-a-train-from-paris" target="_blank" rel="noopener">Euronews</a> agenttigine silteme jasap habarlaıdy.&nbsp;</p>

«Londonda bireýmen birge páter jaldasańyz, bólmeńiz bastapqyda siz úshin tynyshtyq aralyna, al keıin barýǵa qorqatyn úreıli mekenge aınalady. Óıtkeni úıge qaıtyp, tósekke jatqanda qyshyna bastaısyz», — deıdi ol. 

Bul kishkentaı parazıtter jumsaq jıhaz ben onyń qaptaýyshyn menshiktep alǵan.

Ol siz uıyqtap jatqanda qanyńyzben qorektenedi, sodan keıin terińiz qyshynyp, qyzyl iz qalady. 

Hımııalyq óńdeý óz tıimdiligin joǵaltty, sebebi qandala oǵan tózimdi bolyp alǵan.

«Hımııalyq zattardy qoldanyp kórdik, biraq qutyla almadyq. Kóship kettik, tósek-orynnyń kóp bóligin órtep, biraz kıimimdi laqtyryp jiberdim», — deıdi Robertson. 

Osy arada Parıj jurty qandalanyń kóbeıip ketýine alańdaýshylyq bildirip otyr. Sarapshylardyń shamalaýynsha, jándikter Londonǵa Eurostar arqyly taralýy ábden múmkin. 

Eurostar tasymaldaýshy kompanııasynyń málimdeýinshe, ol parıjdik qandala poıyzda taralmas úshin jedel sharalar qoldanyp jatyr.

Degenmen, molekýlıarlyq bıolog jáne zııankestermen kúres boıynsha sarapshy Devıd Keın Londonda tabylǵan qandalanyń Parıjden poıyz arqyly kelgenin aıtyp otyr. 

«Tóseginen qandala tabylǵan adamdar bir apta buryn Eurostar-men saıahattaǵan», — deıdi D. Keın.

Eske sala ketsek, QazAqparat buǵan deıin Olımpıada qarsańynda Parıjdi qandala qaptaǵanyn jazǵan bolatyn.