Parıj vokzaly dıversııa saldarynan jumysyn toqtatty

ASTANA. QazAqparat – Parıjdiń Shyǵys vokzaly dıversııa saldarynan jumysyn toqtatty, dep habarlaıdy QazAqparat Euronews-ke silteme jasap.

Poıyzdar qozǵalysy Ver-sıýr-Marn kommýnasy aýdanynda kabelderdiń zaqymdanýynan toqtady. Bolǵan oqıǵa bastapqyda oqys jaǵdaı retinde qabyldandy. Alaıda, keıin órt qasaqana jasalǵany anyqtaldy.

«SNCF-tiń jumys brıgadalary órtelgen 48 kabeldi shyǵys jyrasynan tapty. Bul qasaqana vandalızm akti. Soǵan baılanysty aryz túsirdik», - dedi SNCF ókili Ann-Marı Palme.

Seısenbi kúni jelige TGV júrdek poıyzdary, TER qalaaralyq elektrıchkalary jáne Transilien óńiraralyq poıyzdar shyqqan joq.

Atalǵan oqıǵa Frantsııanyń shyǵys bóligine, sondaı-aq Shveıtsarııaǵa, Germanııaǵa, Aýstrııa men Lıýksembýrgke sapar shegýdi josparlaǵan kóptegen jolaýshynyń josparyn buzdy.

Foto: AFP TV