Parıj polıtseıleri olımpıadanyń ashylý saltanatyn qatań rejımde kúzetip tur

<p>PARIJ. KAZINFORM &mdash; Búgin tórtkúl dúnıe kóz tikken Parıj Olımpıadasynyń alaýy tutandy. Qazir Frantsııada oıyndardyń ashylý saltanatyna baılanysty parıj polıtseıleri qatań rejımde qyzmet atqarýda.</p>

Olımpıada oıyndarynyń ashylý saltanaty ótip jatqan Eıfel munarasy men Sena ózeniniń jaǵalaýyna aparatyn barlyq joldarǵa tosqaýyldar qoıylǵan. Qaýipsizdik sharalaryn barynsha kúsheıtilgen. 

Dál qazir polıtseıler men volonterlerdi qosa alǵanda 80 myńǵa jýyq adam qoǵamdyq tártipti qadaǵalap júr. 

Al Sena ózeniniń jaǵalaýyndaǵy sportshylar sherýi ótetin aýmaqtarǵa ótý shektelgen. Tek arnaıy qyzmet ókilderi ǵana kirip-shyǵa alady.

Jalpy, 45 myń polıtseı, 10 myń sarbaz jáne 2 myń jeke kúzet qyzmetkeri Sena ózeninde, onyń jaǵalaýy men aınalasyndaǵy eskertkishter boıymen ótetin sherýdiń qaýipsizdigin qamtamasyz etýde. 

Aıta keteıik, Jazǵy Olımpıada oıyndary tarıhynda alǵash ret ashylý saltanaty stadıonda emes, tabıǵat aıasynda, Sena ózeniniń boıynda ótip jatyr.

Frantsııa astanasy Parıj qalasynda alýy tutanǵan XXXIII jazǵy Olımpıada oıyndaryna Qazaqstannan 80 sportshy sporttyń 25 túrinen synǵa túsedi. Olımpıada oıyndary 26 shilde men 11 tamyz aralyǵynda ótedi. Onda 205 eldiń 10 500 sportshysy 32 sport túrinen 329 medal jıyntyǵyn sarapqa salady.