Parıj ortalyǵynda jarylys bolyp, kem degende 16 adam zardap shekti

PARIJ. QazAqparat – Parıj qalasynyń ortalyǵynda qýatty jarylys bolyp, kem degende 16 adam zardap shekti. Taǵy 7 adamnyń jaǵdaıy aýyr, dep habarlaıdy QazAqparat euronews.com-ǵa silteme jasap.

Oqıǵa Lıýksembýrg baǵyna jáne Frantsııa amerıka akademııasy ǵımaratyndaǵy Panteonǵa jaqyn jerde boldy.

Aldyn ala boljam boıynsha, gaz jarylysy bolǵan. Saldarynan búlingen ǵımarattyń aldyńǵy qaptamasy jolǵa qulady. Jaqyn mańdaǵy úılerdiń turǵyndary evakýatsııalandy.

«5-inshi oramdaǵy Sen-Jak kóshesinde jarylys boldy. Parıjdiń órt sóndirýshileri, polıtseıler men shuǵyl qyzmetter sol jerde. Eń aldymen, zardap shekkender men olardyń jaqyndary týraly ýaıymdap jatyrmyz», - dedi Parıj meri Ann Idalgo.

Oqıǵa ornyna 200-den astam órt sóndirýshi, qutqarý qyzmetteri, sondaı-aq Parıj meri Ann Idalgo jetti.