Parıj Olımpıadasynyń medali tanystyryldy

<p>ASTANA. KAZINFORM &ndash; Búgin 26 shilde men 11 tamyz aralyǵynda Parıjde ótetin jazǵy Olımpııa oıyndarynyń medaldary tanystyryldy.</p>

QR Ulttyq olımpıadalyq komıteti málim etkendeı, júldeniń basqalardan basty aıyrmashylyǵy – medal ortasynda Eıfel munarasy beınelengen.

«Osy altyn, kúmis jáne qolany júldeniń eń basty qundy bóligi – Eıfel munarasymen ushtastyrý úshin úlken jumys atqaryldy», - delingen Halyqaralyq Olımpıada komıtetiniń saıtynda. 

Jalpy esebi 5084 medal shyǵaryldy. Onyń árqaısysynda 18 gramm Eıfel munarasy bar.

Aıta keteıik, dál búgingi kúnge deıin Qazaqstan delegatsııasynyń qorjynynda Parıj Olımpıadasynyń 8 sport túrinen 19 lıtsenzııasy bar (sadaq atý – 4, tas joldaǵy velosport – 3, nysana kózdeý – 5, qazirgi bessaıys – 2, boks – 2, grek-rım kúresi – 1, erkin kúres – 1, sporttyq gımnastıka – 1).