Parıj Olımpıadasynyń bastalýyna deıin bilýge tıis 100 derek
Osy oraıda aldaǵy oıyndar týraly QR Ulttyq olımpıadalyq komıteti usynǵan 100 qyzyqty derekti oqyrmandarymyzben bólisýdi jón sanadyq.
1. Parıj qalasy Olımpıada oıyndaryn sońǵy 100 jylda alǵash ret qabyldaǵaly otyr. 1924 jyly mahabbat qalasynda jazǵy oıyndar ótkizilip, keıin tek qana qysqy Olımpıada oıyndary uıymdastyryldy.
2. 1900 jyly Parıj tarıhqa endi. Sol jyly Olımpıada oıyndarynda tuńǵysh ret áıelder baq synady.
3. Frantsııada Olımpıada oıyndary altynshy ret ótkeli otyr.
4. Parıj oıyndary sońǵy 12 jylda Eýropada ótetin alǵashqy Olımpıada bolmaq.
5. 2024 jyly alǵash ret breıkıngten medaldar taratylady. Júldeniń birine Qazaqstan da úmitti bolýy múmkin.
6. Serfıng dodasy Frantsııanyń materıktik bóliginde emes, Taıtı aralynda ótedi.
7. Parıj pen Taıtı arasy 15 700 shaqyrymdy quraıdy, bul Olımpıada oıyndarynyń rekordy. Buǵan deıin eshbir jarys Olımpıadany qabyldaýshy qaladan sonshalyqty alys ótken emes.
8. Tarıhta tuńǵysh ret Olımpıada jáne Paralımpıada oıyndarynyń boıtumary birdeı bolmaq.
9. Taǵy bir tarıhı sát – áýesqoılar arasyndaǵy marafon. Bul jarys olımpıadalyq tas jolda jáne soǵan saı talaptar boıynsha ótedi. Mundaǵy aıyrmashylyq júgirý jarysy ótetin ýaqytta ǵana.
10. Parıj jazǵy Olımpıadany úshinshi ret qabyldaıtyn ekinshi qala. Buǵan deıin London jazǵy oıyndy úsh ret ótkizgen.
11. Frantsııa bıligi 2024 jylǵy Olımpıadany ótkizý úshin 8 mıllıard eýrodan artyq qarajat bólýdi josparlaǵan.
12. 2024 jylǵy Olımpıada oıyndarynyń urany: «Keńinen ashyq Oıyndar».
13. Oıynnyń boıtumary - Frıgı esimdi frıgııalyq qalpaq.
14. Olımpıada oıyndarynyń estafetasy sáýirde bastalyp, Frantsııanyń barlyq departamentteri arqyly ótedi.
15. Alaý Grekııadan Frantsııaǵa qaıyq arqyly jetkiziledi.
16. Alaý qutysynyń jobasyn tanymal dızaıner Matte Leaner jasap shyǵarǵan.
17. Alaý qutysynyń tómengi bóligi aqqaınar tústi bolattan daıyndaldy.
18. Jeńimpazdar men júldegerler taǵatyn medaldiń basty ereksheligi – áıgili Eıfel munarasynyń bólshegi. Bul barlyq júldede bolady.
19. Parıjde alǵash ret Halyqaralyq sporttyq federatsııa jeńimpazdarǵa syıaqy taǵaıyndaıdy. Mundaı bastamany álemdik jeńil atletıka uıymy kóterip otyr. 48 dıstsıplınanyń birinde jeńiske jetken árbir atlet World Athletics tarapynan 50 myń dollar kóleminde syıaqy alady. Estafetada bul somany komandanyń árbir qatysýshysy ózara bólip alady.
20. Parıjde sporttyń 32 túrinen medaldar úlestiriledi.
21. Mundaǵy jańashyl bastamalardyń biri – jeńimpazdar men júldegerlerdiń jeńisti búkil álem jankúıerlerimen birge atap ótýi. Sherý Eıfel munarasyna jaqyn jerde ótedi.
22. Jarystardy ótkizý úshin 35 sport nysany jumys isteıdi.
23. Jazǵy oıyndardy Le-Ivelın, Sena men Marna, O-de-Sen jáne Sena-Sen-Denı departamentteri qabyldaıdy. Fýtbol matchtary Bordo, Nant, Lıon, Sent-Eten, Nıtstsa jáne Marsel qalalarynda ótedi.
24. Jarys baǵdarlamasynan karate, beısbol jáne softbol syndy sport túrleri alynyp qalǵan.
25. Oıyn kezindegi basty stadıon «Stad de Frans» bolmaq. Atalǵan stadıonda saltanatty rásimder, sondaı-aq, jeńil atletıka men regbıden jarystar ótkiziledi.
26. Olımpıadanyń ashylýy Sena ózeninde ótedi.
27. Sportshylar sherýi ózen ústinde ótedi. Árbir delegatsııa jekelegen qaıyqpen júzedi.
28. Sportshylar sherýine 10 500 atlet qatysady dep kútilýde.
29. Delegatsııalar júzip ótetin baǵyt alty shaqyrymdy quraıdy.
30. Tikeleı kórsetilim úlken 80 ekranda kórsetiledi.
31. Sherý kezinde 160-tan astam qaıyq qoldanylady.
32. Sena ózeninen alysyraq jerlerge kórermender tegin kire alady.
33. Ashylý saltanatyn jaqyn mańnan tamashalaý úshin 2,7 myń eýro kóleminde qarajat tóleý kerek.
34. Olımpıadalyq aýylda 8 876 aǵash otyrǵyzyldy.
35. Frantsııadaǵy Olımpıadaǵa qatysty is-sharalardy jiberip almaý úshin «Oıyn kartasy» iske qosylady. Atalǵan karta 2024 jylǵy jazǵy oıyndardyń resmı saıtynda qoljetimdi bolmaq.
36. Olımpıada kezinde qonaqjaılylyq paketi aıasynda Clubhouse24 baǵdarlamasy iske qosylady. Týrısterdi sporttyq jáne mádenı is-sharalar, úlken ekrandardan jarystardyń tikeleı translıatsııasy, sportshylarmen tildesý sátteri kútip tur.
37. 2024 jylǵy Olımpıada oıyndarynda 200 Clubhouse24 alańqaıy jumys isteıdi.
38. Olımpıada kezinde 3000 terrasanyń jumys ýaqyty ulǵaıtylady. Bulardy tún ortasyna deıin paıdalanýǵa bolady.
39. Afınada Olımpıada alaýyn jaǵý rásimine jańa dinı qyzmetker tańdaldy. Bul roldi aktrısa Merı Mına atqarady.
40. Olımpıada alaýy 16 sáýirde jaǵylady.
41. Parıjdegi Olımpıada alaýynyń qazany Tıýılrı saıabaǵynda ornatylady.
42. Olımpıada oıyndarynyń ashylýy kúni Parıjdegi áýe keńistigi jabylady.
43. Olımpıadanyń ótýine baılanysty Parıjdegi keıbir kópirler jumys istemeıdi.
44. Áıgili «Rolan Garros» stadıony tennısten olımpıadalyq jarystardy qabyldaıdy.
45. Olımpıadalyq aýylda 2500-ge jýyq úıler salyndy.
46. Oıyn kezinde atalǵan aýyl 14 500 atletti syıdyra alady.
47. Sportshylar úshin olımpıadalyq aýyl aımaǵynda aýqymdy saıabaq qoljetimdi bolmaq. Saıabaqtyń aýmaǵy úsh gektardan asady.
48. Bılik ókilderine qaýipsizdikti saqtaý úshin jasandy ıntellekt kómektesedi.
49. Olımpıada oıyndary bastalǵanǵa deıin birshama ýaqyt jaǵalaýda tek qana arnaıy QR-kod arqyly júrýge bolady.
50. Olımpıada oıyndarynyń ashylýy kúni Parıj ýaqytymen 13:00-de barlyq qozǵalys qatań baqylaýǵa alynyp, keıin toqtatylady.
51. Parıj Olımpıadasyn bir mıllıard kórermen tamashalaıdy dep kútilýde.
52. 2024 jylǵy Olımpıada oıyndarynyń qurmetine narǵyzgúldiń arnaıy sorty engizildi. Gúlder frantsýz baqtarynyń basym bóligine otyrǵyzylady.
53. Jarysqa bıletti adam qolynan satyp alýǵa bolmaıdy. Resmı túrde sporttyq jarysqa kirý úshin arnaıy saıttardy qoldanasyz.
54. Sarapshylar 2024 jylǵy Olımpıada oıyndarynyń jalpy esebinde AQSh top jarady dep boljaýda. Ekinshi orynda - Qytaı, úshinshi orynda – Frantsııa.
55. Qazaqstan sapynan Parıj Olımpıadasynyń alǵashqy lıtsenzııasyn nysana kózdeýden Qazaqstan quramasynyń múshesi Islam Sátpaev jeńip aldy.
56. Oıyndy uıymdastyrý isine 44 myń erikti tartylǵan.
57. Bar álemnen 26 myń jýrnalıst akkredıtatsııa alǵan.
58. Kórermender úshin 13,4 mıllıon bılet qoljetimdi.
59. Fýtbol men regbı matchtary Olımpıadanyń ashylý saltanatyna birneshe kún qalǵanda bastalady.
60. Jaz aılarynda metroda júrý baǵasy ózgerip, eki esege deıin kóteriledi.
61. Olımpıada oıyndarynda ekologııaǵa basty nazar aýdarylǵan.
62. Olımpıadaǵa arnalǵan qurylys nysandarynyń 95 paıyzy ýaqytsha nemese daıyn nysandar bazasynda salynǵan. Bul qorshaǵan ortanyń tazalyǵyn saqtaý maqsatynda jasalýda.
63. Aldaǵy Olımpıadanyń basty ıdeıalarynyń biri – sportqa meıilinshe kóp adam tartý. Osy maqsatta Clubhouse24 aıasynda jankúıerler men týrısterge arnalǵan jattyǵýlar, sondaı-aq, sportshylarmen tildesý múmkindigi qoljetimdi bolady.
64. Olımpıadalyq aýyl 2021 jyldan beri soǵyldy.
65. Olımpıadalyq aýyldy 2024 jylǵy oıyndardyń bastalýyna bes aı qalǵanda ashty.
66. Sportshylar olımpıadalyq aýyl ishinde velosıpedtermen jáne táýlik boıy jumys isteıtin arnaıy shattldar arqyly júre alady.
67. Aıtpaqshy, olımpıadalyq aýyldy Frantsııa prezıdenti Emmanýel Makronnyń ózi ashty.
68. Olımpıadalyq aýyldaǵy ashanada kúnine 40 myń taǵam ázirleıdi.
69. Parıj metrolaryndaǵy mýzykanttar Olımpıada kezinde jumysyn atqarýǵa ruqsat beretin beıdj alý úshin arnaıy tyńdalymnan ótti.
70. Parıjde 6100 kóshe bar. Onyń eń kishkentaıy 5 metrden sál asady.
71. Ashylý jáne jabylý saltanatynyń kórkemdik jetekshisi – Tomas Djollı.
72. Oıynnyń ashylý saltanaty Sena ózeninde ótse, jabylý saltanaty «Stad de Frans» stadıonynda josparlanǵan.
73. Djollı 2022 jyly áıgili «Starmanııa» mıýzıklin, 2023 jyly «Romeo men Djýlettany» qoıdy.
74. Jarys nátıjeleri men basqa da is-sharalardan habardar bolý úshin Paris2024 arnaıy qosymshasy jumys isteıdi. Qosymshany HOK pen Olımpıada oıyndarynyń resmı saıttarynan kóshirip alýǵa bolady.
75. Gandbol men sadaq atýdan jarystar Olımpıada ashylýyna birneshe kún qalǵanda bastalady.
76. Alǵashqy júldeler 27 shildede sarapqa salynady.
77. Olımpıadanyń sońǵy jarys kúninde toǵyz sport túriniń ókilderi júldege talasady.
78. Sportshylar 329 júlde jıyntyǵyn sarapqa salady.
79. Boks básekeleri de tennıs sekildi «Rolan Garrosta» ótedi.
80. At sporty men qazirgi bessaıys ókilderi áıgili Versal saraıyndaǵy baqta synǵa túsedi.
81. Olımpıada qarsańyndaǵy sońǵy lıtsenzııalyq týrnırler 23 maýsymda ótedi.
82. Marafon Parıjdegi kóptegen tanymal jerlerde ótedi. Baǵytty tańdaý barysynda uıymdastyrýshylar Versaldaǵy Áıelder marshynan shabyt alǵan.
83. Bir qyzyǵy, oıynnyń jabylýyna bir kún qalǵanda erler arasyndaǵy marafon ótedi. Áıelder jeńil atletıkadan jarys baǵdarlamasyn aıaqtaıdy.
84. Olımpıada kezinde bılik ókilderi kóshedegi kitap sórelerin alyp tastaýdy josparlaǵan. Alaıda, keıin býkınısterdiń kitap satýyna ruqsat berdi.
85. Qonaqúı nomerleriniń baǵasy úsh esege ósti.
86. Parıjde dańqty boksshy Mennı Pakıao synǵa túsýi múmkin edi. Alaıda, onyń jasy saı kelmeıtindikten, HOK kelisim bergen joq.
87. Parıj meri Ann Idalgo Olımpıada ashylýynyń aldynda Sena ózeninde shomylýǵa ýáde berdi. El astanasyndaǵy basty ózende shomylýǵa sý sapasynyń nasharlyǵyna baılanysty 100 jyldaı ýaqyt buryn tyıym salynǵan. Qazirgi tańda ózen sýy tazalanyp jatyr, sebebi, Olımpıada kezinde trıatlondaǵy sýda júzý kezeńi tap osy Senada ótedi.
88. Keıbir derekkózder men ınsaıdtarǵa sensek, júzýge Frantsııa prezıdentiniń ózi de qatysýdy josparlap otyr.
89. Týrısterge jergilikti mádenıetpen tanysýǵa kómektesetin kóptegen is-sharalar uıymdastyrylady.
90. Murajaılarda Olımpıada oıyndaryna arnalǵan arnaıy kórmeler jumysyn bastaıdy.
91. 2024 jylǵy Olımpıada oıyndarynyń jarystary Parıjdegi kóptegen tanymal oryndarda ótkiziledi. Máselen, Marsovo alqaby, Úlken saraı, Múgedekter úıi, Kelisim alańy, Versal saraıy, «Rolan Garros».
92. «2024 jylǵy oıyn Aýmaǵy» baǵdarlamasyna 1130 elshilik qatysady. Joba shetelde turatyn frantsýz azamattarynyń basyn biriktirip, ár adamǵa Olımpıada rýhyn sezindirýge arnalǵan.
93. Olımpıada oıyndarynyń ashylý saltanaty 26 shildede ótedi.
94. Olımpıadanyń jabylý saltanaty 11 tamyzda ótedi.
95. Parıjdegi oıyndar 33-jazǵy Olımpıada sanalady.
96. Jabylý saltanatynda estafetany AQSh-qa joldaıdy. 2028 jylǵy jazǵy Olımpıada Los-Andjeleste ótedi.
97. Frantsııa sońǵy 100 jylda Olımpıadany alǵash ótkizetinin aıttyq. Per-de-Kýberten Olımpıada oıyndaryn daıyndaǵan sátten bastap ta sonsha ýaqyt ótti.
98. Parıjde Olımpıada oıyndarynyń resmı dúkenderi jumysyn bastady. Týrıster túrli kádesyılar, kıimder jáne oıynnan estelik bolatyn basqa da aksessýarlar satyp ala alady.
99. Olımpıada medali men qutylardy tasymaldaýǵa arnalǵan keısterdi Louis Vuitton Sán úıi daıyndaǵan.
100. Qaýipti adamdardyń sport nysandaryna kirýine jol bermeý úshin mamyr aıynan bastap júrgizýshiler men jaıaý júrginshilerge arnalǵan arnaıy platforma jumys isteıdi. Ruqsat etilmegen adamdardyń «qaýipsizdik perımetrindegi» arenalar men kópirlerge kirýine tyıym salynady.
Esterińizge sala keteıik, osyǵan deıin «Astana» trıatlon saıabaǵynda «Olımpıada oıyndaryna 100 kún» atty 5 shaqyrym qashyqtyqta qala turǵyndary arasynda buqaralyq júgirý sharasy ótetini týraly jazǵan bolatynbyz.