Parıj Olımpıadasynda júlde alǵan otandyq sportshylardyń qaltasyna qansha aqsha túsedi

<p>ASTANA. KAZINFORM &ndash; Parıj Olımpıadasynyń bastalýyna az ýaqyt qaldy. Kúni keshe Grekııanyń Olımpııa qalasynda 2024 jyly Parıjde ótetin Olımpıada oıyndarynyń alaýy resmı túrde tutandy. Bul rette, dúbirli dodada júlde alǵan qazaqstandyq sportshylardy qandaı syıaqy kútip tur?</p>

QR Týrızm jáne sport mınıstrligi baspasóz qyzmetiniń agenttik tilshisine bergen jaýabynda syıaqy mólsheri aldyńǵy Olımpıadadaǵy yntalandyrýmen salystyrǵanda ózgerissiz qalǵan. Inflıatsııa esepke alynyp, júlde qory arta túse me dep oılap edik. 

– «Halyqaralyq sporttyq jarystardyń chempıondary men júldegerlerine, jattyqtyrýshylarǵa jáne sport túrleri boıynsha QR qurama komandalarynyń (sport túrleri boıynsha ulttyq qurama komandalardyń) múshelerine aqshalaı kótermeleýdiń mólsherin bekitý týraly» QR Mádenıet jáne sport mınıstriniń 2023 jylǵy 27 maýsymdaǵy №156 buıryǵynyń negizinde Olımpıada oıyndarynyń chempıondary men júldegerlerine jáne olardyń jattyqtyrýshylaryna aqshalaı kótermeleý kózdelgen, – delingen mınıstrliktiń resmı jaýabynda.

Sonymen, syıaqy mólsheri qandaı?

1-oryn: 250 000 AQSh dollar; 

2-oryn: 150 000 AQSh dollar; 

3-oryn: 75 000 AQSh dollar;

4-oryn: 30 000 AQSh dollar; 

5-oryn: 10 000 AQSh dollar; 

6-oryn: 5 000 AQSh dollar. 

Aıta keteıik, sportshylardyń jattyqtyrýshylary da dál osyndaı mólsherde syıaqy alady.