Parıj Olımpıadasynda Elena Rybakınamen birge oınaýǵa daıynmyn – Aleksandr Býblık

<p>ASTANA. KAZINFORM &ndash; Qazaqstannyń birinshi, álemniń 23-raketkasy Aleksandr Býblık Parıj Olımpıadasynda Elena Rybakınamen birge mıkste oınaýǵa daıyn ekendigin málimdedi. A.Býblıktiń aıtýynsha, bul qazaqstandyq tennısshilerdiń bıylǵy Olımpıadada medal alý múmkindigin kóbeıtedi.</p>

«Lenamen kópten tanyspyn. Bir-birimizben baılanystamyz. Onyń tamasha komandasy bar. Biz onyń komandasymen tyǵyz qarym-qatynas jasaımyz. Mıkst týraly aıtsaq, ıá, men onymen birge oınaǵym keledi. Elimiz úshin jekeleı, juptyq synda jáne mıkste óner kórsetip, barymdy salýǵa ázirmin. Jekeleı syn óz aldyna, Aleksandr Nedovesovpen birge oınaımyn. Elenamen de birge nege synǵa túspeske!? Bul Qazaqstannyń medal alýǵa degen múmkindigin arttyrady. Eń mańyzdysy osy», - dedi tennısshi.

Búgin A.Býblık Ýımbldon týrnıriniń ekinshi aınalymynda frantsııalyq Artýr Kazomen kortqa shyǵady.

Eske sala keteıik, budan buryn Elena Rybakınanyń Ýımbldon týrnırin jeńispen bastaǵanyn jazǵan bolatynbyz.

Sondaı-aq ıÝlııa Pýtıntseva Ýımbldonda álemniń eks 1-raketkasyn jeńdi.