Parıj Olımpıadasynda el quramasynan jarysty sadaqshylar bastaıdy

<p>PARIJ. KAZINFORM - Erteń, 25 shildede Qazaqstan quramasynan jarysty alǵashqy bolyp sadaqshylar bastaıdy.</p>

2024 jylǵy Parıj Olımpıadasynda elimizidń atynan alǵash bolyp sadaq atýshylar synǵa túsedi. 

Atalǵan sport túrinde el namysyn Ilfat Abdýllın, Dáýletkeldi Jańbyrbaı jáne Aleksandr Eremenko qorǵaıdy. 

Al jekeleı synda sportshylardy reıtıngilik raýnd kútip tur. Jarys nátıjesi boıynsha olımpıadalyq setka anyqtalady. Al pleı-off kezeńi 30 shilde kúni 1/32 fınaldan bastalady. 

Sadaqshylar jarysty Astana ýaqytymen 17.15-te bastaıdy. 

Frantsııa astanasy Parıj qalasynda Jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.

Eske salsaq, Parıj Olımpıadasynan 26 myń jýrnalıst tikeleı habar taratady.