Parıj Olımpıadasynda baq synaıtyn Islam Sátpaevtiń qandaı jetistikteri bar

<p>ASTANA. KAZINFORM &ndash; Sportshylardyń basty armanyna aınalǵan Parıj Olımpıadasy kún sanap jaqyndap keledi. Álemdik dúbirli dodaǵa qatysatyn sańlaqtarymyzdyń biri - nysana kózdeýden el namysyn qorǵaıtyn &ndash; Islam Satpaev. Ol Parıj Olımpıada oıyndarynda nysana kózdeýden Qazaqstan úmit artatyn basty sportshylardyń biri. Jerlesimiz tórtjyldyqtyń basty dodasynyń joldamasyna 2023 jyly Bakýde ótken álem chempıonatynda qol jetkizgen bolatyn.&nbsp;</p>

Sátpaev 1998 jyly 21 qyrkúıekte Almaty qalasynda dúnıege kelgen. Nysana kózdeýmen 13 jasynan bastap aınalysyp kele jatyr. Qazirgi jeke bapkeri - Gennadıı Nasonov.

Endi ár jyldardaǵy jetistikterine jeke-jeke toqtalyp ótsek.

Hanchjoýdaǵy jazǵy Azııa oıyndarynyń qola júldegeri (aralas juptyq syn, 2023 jyl);

Álem kýbogynyń 2 dúrkin kúmis júldegeri (Djakarta, 2023 jyl);

Álem kýbogynyń 2 dúrkin qola júldegeri (Djakarta, 2023 jyl; Baký 2022 jyl);

Komandalyq synda Azııa chempıony (Chhanvon, 2023 jyl);

Azııa chempıonatynyń qola júldegeri (aralas juptyq syn, Tegý, 2022 jyl);

Vıntovkamen 10 metrden nysana kózdeýden Qazaqstan rekordsmeni (Baký, 2023 jyl);

Islam Sátpaev Parıj Olımpıadasynyń joldamasy sarapqa salynǵan 2023 jylyǵy Bakýde ótken álem chempıonatynda pnevmatıkalyq vıntovkamen 10 metrden nysana kózdeýdiń fınalynda 4-orynǵa turaqtady.

Esterińizge sala keteıik, Frantsııa tórinde alaýy tutanatyn XXXIII jazǵy Olımpıada oıyndary osy jyldyń 26 shildesi men 11 tamyzy aralyǵynda ótedi. Onda 32 sport túrinen 329 medal jıyntyǵy sarapqa salynady.