Parıj Olımpıadasynan tikeleı 21 jýrnalıst habar taratady – Dıas Ahmetshárip

<p>ASTANA. KAZINFORM &mdash; Frantsııa astanasy Parıj qalasynda ótetin HHHІІІ Jazǵy Olımpıada oıyndarynan 21 qazaqstandyq jýrnalıst tikeleı habar taratady.</p>

Bul týraly Kazinform tilshisine eksklıýzıv suhbat bergen QR Týrızm jáne sport mınıstriniń qoǵammen baılanys jáne BAQ jónindegi keńesshisi Dıas Ahmetshárip aıtyp berdi.

«Bıylǵy Olımpıada oıyndarynda Parıj qalasynan tikeleı 21 jýrnalıst habar taratatyn bolady. Onyń ishinde segiz jýrnalıst resmı túrde HOK tarapynan akredıtatsııa aldy. Osylaısha Qazaqstan Ulttyq olımpıadalyq komıteti Parıj Olımpıadasyna arnaıy 8 jýrnalıst aparady. Sonymen qatar Olımpıada oıyndaryn Qazaqstanda zańdy kórsetý quqyǵyn ıelengen bes otandyq telearnadan taǵy 11 jýrnalıst attanady. Qazaqstannan jalpy Parıj Olımpıadasynan tikeleı habar taratýǵa 19 jýrnalıst barady. Sondaı-aq, bul tizimge Frantsııa men Germanııa elinde turatyn «Habar-24» telearnasynyń eki menshikti tilshisi qosylýy kerek. Bir-eki kúnde bul suraqtar da sheshimin tabady degen senimdemiz. Osylaısha Parıj Olımpıadasynan jalpy 21 jýrnalıst habar taratady», - dedi dedi mınıstrdiń keńesshisi.

Esterińizge sala keteıik, osyǵan deıin elimizde alǵash ret Olımpıada oıyndaryn bes birdeı telearna tikeleı efırde kórsetetini týraly jazǵan bolatynbyz.  

Olar — Qazaqstan, Qazsport, «Habar», «El arna» jáne Jibek Joly telearnalary. 

Aıta keteıik, Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.

Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵyna belgilengen. 

Oıynǵa álemniń 205 elinen 10 500 sportshy qatysady. 

Onda 32 sport túrinen 329 medal jıyntyǵy sarapqa salynady.