Parıj Olımpıadasyna irikteý: Muhammedsabyr Bazarbaıuly joldamaǵa talasady

<p>ASTANA. KAZINFORM &ndash; Taıland astanasy Bangkok qalasynda ótip jatqan bokstan Olımpıadaǵa irikteý týrnırinde Muhammedsabyr Bazarbaıuly (63,5 keli) joldamaǵa bir taban jaqyn qaldy. Qazaqstandyq boksshy besinshi joldama úshin kolýmbııalyq Hose Manýel Vıafaramen qolǵap túıistirdi. &nbsp;</p>

Jekpe-jek barysynda qos qarsylas tartysty oıyn ótkizdi. Alǵashqy raýndta Muhamedsabyr basym ekenin kórsetse, ekinshi raýndta qarsylasy jeńdi.
Sheshýshi raýndta qazaqstandyq boksshy kóbirek soqqy jumsap, jeńisti julyp áketti.

Tóreshilerdiń basym bóligi onyń jeńisine qoldaý bildirip, nátıjesinde ol jarystyń kelesi satysyna joldama aldy. 

Aıta ketsek, Muhamedsabyr irikteý týrnırinde ılıppındik Krıstıan Pıtt Lorent, túrkııalyq Mızan Aıkol, ıtalııalyq Djanlýıdjı Malangany jeńip, shırek fınalda kýbalyq Erıslandı Alvareske 2:3 esebimen ese jiberdi.

Bul salmaqta Olımpıadaǵa bes joldama beriledi. Tórteýine jartylaı fınalǵa shyqqan bylǵary qolǵap sheberleri ıe bolsa, bir joldamaǵa shırek fınalda súringen boksshylar talasatyn edi.

Endi qazaqstandyq aldaǵy qarsylasy – moldovalyq Aleksandrý Paraşıva.

Aıta ketsek, 2 maýsymda el quramasynan odan basqa Nazym Qyzaıbaı (50 keli), Valentına Halzova (75 keli) synǵa túsedi. 

Taılandtaǵy irikteý týrnırinde Uljan Sársenbek (54 keli), Rımma Volosenko (60 keli) men Natalıa Bogdanova (66 keli) jarysty orta joldan aıaqtady.

Qazir Qazaqstan quramasy qorjynynda Parıj Olımpıadasyna erlerde 6, áıelderde 1 joldama bar.