Parıj Olımpıadasyna Ózbekstan atynan 90 sportshy qatysady
13:52, 23 Shilde 2024
<p>TAShKENT. KAZINFORM – Parıjde ótetin jazǵy Olımpıada oıyndarynda Ózbekstan atynan 90 sportshy qatysady. Olar sporttyń 19 túrinen synǵa túsedi. Bul týraly prezıdent Shavkat Mırzıeevtiń qatysýymen ótken keńeste aıtyldy, dep habarlaıdy Kazinform agenttiginiń Tashkenttegi menshikti tilshisi Álıhan Asqar. </p>
Keńeste málim bolǵandaı, Olımpıadaǵa joldama alǵan ózbekstandyq sportshylardyń 36%-y – áıelder.
Sportshylardy daıarlaý úshin jeke strategııa ázirlenip, olardyń irikteý men oqý-jattyǵý is-sharalaryna qatysýyna tolyq jaǵdaı jasaldy. Sportshylar respýblıkadaǵy 15 olımpıadalyq jáne paralımpıadalyq ortalyqtar men sport bazalarynda daıyndyqtan ótken.
Prezıdent Shavkat Mırzıeev keńes qorytyndysy boıynsha jaýapty vedomstvolarǵa daryndy jastardy qoldaý jáne ulttyq qurama komandalar úshin sapaly rezerv qalyptastyrý týraly tapsyrma berdi.