Parıj Olımpıadasyna Qazaqstannan qaı tennısshiler qatysa alady

<p>ASTANA. KAZINFORM &mdash; 2024 jylǵy Parıj Olımpıadasynyń bastalýyna 138 kún qaldy. Tórt jyldaǵy basty jarystyń tennıs týrnıri Frantsııa ashyq chempıonatynyń oıyndary ótip júrgen &laquo;Rolan Garrostyń&raquo; topyraq tósenishindegi korttarynda bolady.</p>

Qazaqstan tennıs federatsııasynyń málimetinshe, Parıj Olımpıadasyna jarystyń bes túrinen (erler: jekeleı jáne juptyq syn, áıelder: jekeleı jáne juptyq syn, aralas juptyq syn) 172 kvota úlestiriledi. Tennısshilerdiń dál sany olardyń qandaı synda óner kórsetetine baılanysty bolmaq. 

Ár ulttyq olımpıadalyq komıtet 12 kvotaǵa deıin qol jetkize alady. Joldama alý úshin sportshylar Halyqaralyq tennıs federatsııasynyń (ITF) krıterıılerine saı kelýi tıis. Onda Devıs jáne Bıllı Djın Kıng kýbogyna qatysqany da eskeriledi.

2024 jyly 10 maýsymda jańartylatyn ATP jáne WTA reıtıngileri boıynsha Olımpıadaǵa joldama alatyn tennısshilerdiń basym bóligi aıqyndalady. Ár jekeleı synda 64 tennısshi Olımpıadada óner kórsetedi. Juptyq synda 32 dýet qatysady. Al aralas juptyq synda nebári 16 jup qatysady.

Qazirgi kezdegi jaǵdaı boıynsha Parıj Olımpıadasyna joldama alýǵa Qazaqstannan erler arasynda jekeleı synda Aleksandr Býblık pen juptyq básekede Aleksandr Nedovesovtiń múmkindigi bar. Áıelder arasynda Elena Rybakına men ıÝlııa Pýtıntseva (jekeleı syn) jáne Anna Danılına (juptyq syn) úmitti. Olımpıadadaǵy tennıs dodasy 27 shildede bastalyp, 4 tamyzda aıaqtalady. 

Qazaqstan tennısten álemniń 4-raketkasy Elena Rybakına men dúnıejúzilik reıtıngide TOP-20-ǵa kirgen Aleksandr Býblıkke kóbirek úmit artady. Tokıo Olımpıadasynda Rybakına tórtinshi orynǵa taban tiregen edi. 

Eske sala keteıik, budan buryn ıÝlııa Pýtıntsevanyń Indıan-Ýells týrnırinde álemniń 1-raketkasyna jol bergenin jazǵan edik.