Parıj Olımpıadasyna qatysatyn bosqyndar quramasy jarııalandy

<p>ASTANA. KAZINFORM &ndash;11 eldiń 36 sportshysy Olımpıadanyń bosqyndar komandasynyń múshesi atandy. Bul týraly <a href="https://www.un.org/ru?_gl=1*yvzdee*_ga*MTEwMzUwNDAzMS4xNzEwMjk0NzA3*_ga_S5EKZKSB78*MTcxNDcwMzE3Mi4yMS4xLjE3MTQ3MDMyNTkuNjAuMC4w*_ga_TK9BQL5X7Z*MTcxNDY5OTg2Ny4xOS4xLjE3MTQ3MDAyMjQuMC4wLjA" target="_blank" rel="noopener">BUU jańalyqtar qyzmeti</a> málim etti.&nbsp;</p>

Olar tórtjyldyqtyń basty dodasynda sporttyń 12 túrinen synǵa túsedi. Bul týraly BUU-nyń Bosqyndar isi jónindegi Joǵarǵy Komıssar Basqarmasy Halyqaralyq Olımpıada komıtetine (HOK) silteme jasap habarlady. 

Bosqyndar komandasy Olımpıada oıyndaryna úshinshi ret qatyspaq. BUU BJKB málimeti boıynsha, 2023 jyldyń qyrkúıegindegi jaǵdaı boıynsha álemde úılerin tastap ketýge májbúr bolǵan shamamen 114 mıllıon adam bolǵan. Bosqyndar komandasy alǵash ret óz logotıpimen jarys jolyna shyǵady.

Komanda quramyn HOK Atqarýshy komıteti (EK) birqatar krıterıı negizinde bekitti. Onyń ishinde, eń aldymen, árbir sportshynyń kórsetkishi jáne onyń BUU BJKB rastaǵan bosqyn mártebesi bolýy shart. 

«Barshańyzdy qushaq jaıa qarsy alamyz. Sizder Olımpıadalyq qaýymdastyq pen qoǵamymyzdy jandandyra túsesizder», - dedi HOK prezıdenti Tomas Bah komanda múshelerine arnalǵan sózinde. 

Breık-dans jarysynda bosqyndar komandasynyń namysyn aýǵan eliniń týmasy Manıja Talash qorǵaıdy. BAQ ókilderiniń habarlaýynsha, 2021 jyly Aýǵanstanda áıelderge qatysty qatań shekteýler engizilgenge deıin Talash Olımpıada oıyndaryna qatysýdy armandaǵan eken. Ol endi bosqyn retinde jańa olımpıadalyq sport túrinen baq synaıdy.