Parıj Olımpıadasy: Ulttyq qurama formasynyń ereksheligi qandaı
Olımpıadalyq formanyń dızaıny arnaıy komıssııanyń sheshimimen bekitildi.
Komıssııa quramyna Olımpıada chempıondary men júldegerleri, BAQ ókilderi, qoǵam qaıratkerleri men Ulttyq qurama komandanyń sportshylary kirdi. Komıssııa eki kezeńge sozylǵan konkýrsta úsh nomınatsııa boıynsha jeńimpazdardy anyqtady:
1. «Saltanatty olımpıadalyq forma»
(saltanatty kostıým, saltanatty-sporttyq kostıým) — «Eksklıýzıv stýdıo» JShS;
2. «Sporttyq olımpıadalyq forma» (sporttyq kostıým) — Health& Sport JShS;
3. «Tý ustaýshylarǵa arnalǵan olımpıadalyq forma» — «Eksklıýzıv stýdıo» JShS.
Saltanatty olımpıadalyq forma men Tý ustaýshylarǵa arnalǵan olımpıadalyq formanyń eskızderi otandyq dızaınerlerdiń jasaǵan týyndysy. Sondaı-aq ulttyq mádenıet pen dástúrdi beıneleıtin ulttyq oıý-órnekterdiń, túster úılesimin jáne basqa da rámizderdiń elementterin qamtıdy.
Olımpıadalyq formany tigý barysynda aýa-raıyna sáıkes keletin, ylǵal sińbeıtin jeńil jáne aýa ótkizetin zamanaýı joǵary tehnologııalyq materıaldar paıdalanyldy.
Olımpıadalyq forma jıyntyǵy erler úshin 29 birlikten, áıelder úshin 30 birlikten turady.
Saltanatty kostıým
Saltanatty kostıýmdi sportshylar men sport delegatsııasy Olımpıada oıyndarynyń ashylý jáne jabylý sherýiniń saltanatty bóligine qatysý úshin paıdalanady.
Kostıýmder qysqa jeńmen arnaıy tigilgen. Sebebi Parıjdegi oıyndardyń ashylý saltanatynda aýa temperatýrasy joǵary bolady degen boljam bar. Sonymen qatar, jazǵy Olımpıada oıyndarynyń tarıhynda tuńǵysh ret ashylý saltanaty stadıonnyń syrtynda Sena ózeninde ótedi. Sherýge 180 qaıyq qatysyp, jaryq shoýy kórsetiledi. Al 94 qaıyqta oıyndarǵa qatysatyn 10,5 myń sportshy ornalastyrylady.
Áıelderdiń saltanatty kostıýmine 8 túrli kıim (bas aksessýar (jıek), kóılek, galstýk, bleızer, shalbar, ıýbka, shulyq, krossovka) kiredi.
Sherýge arnalǵan erlerdiń kostıými 7 kıimnen turady (taqııa, kóılek, galstýk, shalbar, kýrtka, shulyq, aıaq kıim).
Kostıýmderdegi ulttyq oıý-órnektiń elementteri tek dekoratıvti ǵana emes, sonymen qatar tarıhı sımvoldyq fýnktsııaǵa ıe. Ol álemdi kórkem qabyldaý men qazaqstandyqtardyń estetıkalyq talǵamyn kórsetedi:
* «Múıiz» býıvol nemese buǵy sııaqty qudiretti janýarlarǵa tán kúshti, batyldyq pen qorǵanysty bildiredi.
* «Qos múıiz» ishki birlik pen úılesimdilikti kórsete otyryp, múıizderdiń sımvolıkasyn kúsheıtedi.
* «Qaz moıyn» sporttaǵy beıimdelgishtikti basa kórsete otyryp, ıkemdilikti, eptilik pen raqymdy bildiredi.
Saltanatty-sporttyq kostıým
Jınaq 4 birlikten turady (sporttyq kostıým, fýtbolka, krossovka, shulyq) jáne «qaz moıyn», «múıiz» jáne «qos múıiz» oıý-órnekterimen bezendirilgen. Sporttyq jarystar kezinde, sondaı-aq marapattaý rásimderi kezinde kııýge arnalǵan.
Sporttyq kostıým
Jınaqqa 18 túrli kıim kiredi (jattyǵý kostıými, saltanatty kostıým, jel qorǵaǵysh, polo fýtbolkasy 2 dana, fýtbolka 2 dana, shorty, sporttyq short, krossovkalar, qalpaq, sporttyq rıýkzak, dóńgelegi bar sómke, dóńgelekteri bar qol júgine arnalǵan rıýkzak, súlgi, shulyq 2 dana, slantsylar).
Ulttyq delegatsııaǵa tán stıldi aıshyqtaı otyryp, jattyǵý kezeńinde jáne Olımpıada oıyndarynyń jarystan tys kúnderi kúndelikti kııýge arnalǵan.
Tý ustaýshylardyń olımpıadalyq kostıými
Tý ustaýshy erlerge arnalǵan saltanatty kostıým 4 birlikten turady (sıýrtýk, shalbar, jibek kóılek, bas kıim — bórik).
Tý ustaýshy áıelderdiń saltanatty kostıýmine 2 kıim (keshki kóılek, bas kıim — sáýkele) kiredi.
Keskindemede saltanatty elementter qamtylǵan: erler kostıýminde ulttyq oıý-órnekter kestelense, áıelder kostıýmindegi sáýkele jartylaı baǵaly tastarmen bezendirilgen.
Tý ustaýshy erler men áıelderge arnalǵan saltanatty kostıýmderi sporttyq jınaqylyq pen ulttyq estetıkaǵa negizdele otyryp, talǵampazdyq pen kóriktilikti beıneleıdi.
Tý ustaýshylardyń saltanatty kostıými Olımpıada oıyndarynyń ashylý jáne jabylý sherýiniń saltanatty bóligine qatysýǵa arnalǵan.
Formany ázirleý kezinde dızaınerlerdiń týyndysynda kelesi sharttar eskerilgenin atap ótken jón:
* basqa elderdiń tájirıbesi;
* ulttyq erekshelikter;
* zamanaýı sán trendteri;
* aldyńǵy Olımpıadalarmen salystyrǵanda formanyń biregeıligi;
* Qazaqstan týynyń túsine táýelsiz bolýy;
* aýa raıy jaǵdaılary;
* ulttyq bas kıim «taqııa» qosyldy.
Olımpıadalyq formany tigý tolyǵymen demeýshiler qarajaty arqyly júzege asyryldy. Demeýshiniń aty-jóni (óziniń suraýy boıynsha) sondaı-aq qaıyrymdylyq sýbektisiniń quqyqtary men zańdy múddelerin qorǵaý maqsatynda qupııa bolyp qalady.