Parıj Olımpıadasy týraly qyzyqty derekter

<p>ASTANA. KAZINFORM &mdash; Frantsııa astanasy Parıj qalasynda ótetin XXXIII jazǵy Olımpıada oıyndarynyń bastalýyna týra 5 kún qaldy. Osyǵan oraı nazarlaryńyzǵa Olımpıada týraly qysqasha qyzyqty derekterdi usynamyz.</p>

- Olımpıada oıyndarynyń ashylý kúni Parıjdiń áýe keńistigi jabylady.

- Jarystardy ótkizý úshin 35 sport nysany jumys isteıdi.

- Bıyl jarys baǵdarlamasynan karate, beısbol jáne softbol syndy sport túrleri alynyp qaldy.

- Sportshylar barlyǵy 329 júlde jıyntyǵyn sarapqa salady.

- Olımpıadalyq aýylǵa 2500-ge jýyq úıler salyndy. Oıyn kezinde atalǵan aýyl 14 500 atletti syıdyra alady.

- Olımpıada alaýy Grekııadan Frantsııaǵa qaıyq arqyly jetkizildi. Alaý qutysynyń tómengi bóligi aqqaınar tústi bolattan daıyndaldy.

- Oıynnyń boıtumary – Frıgı esimdi frıgııalyq qalpaq.

- Álem boıynsha 26 myń jýrnalıst akkredıtatsııa alǵan.

- Parıj qalasynda Jazǵy olımpıada oıyndary sońǵy 100 jylda alǵash ret ótkizilgeli otyr.

- Tarıhta bıyl tuńǵysh ret Olımpıada oıyndary men Paralımpıada oıyndarynyń boıtumary birdeı bolady.

- 1900 jyly Parıj tarıhqa endi: Olımpıada oıyndarynda tuńǵysh ret áıelder baq synady.

- Parıjde alǵashqy júldeler 27 shilde kúni sarapqa salynady.

- Olımpıadanyń ashylýy Sena ózeninde ótedi. Árbir delegatsııa jekelegen qaıyqpen júredi. Sherýge 10 500 atlet qatysady.

- Jabylý saltanatynda estafeta AQSh-qa joldanady. 2028 jyly jazǵy olımpıada oıyndary Los-Andjeleste ótedi.

Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyzdyń alǵashqy legi Parıjdegi olımpıadalyq qalashyqqa baryp úlgerdi. Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.

Frantsııa astanasy Parıj qalasynda XXXIII jazǵy Olımpıada oıyndary 26 shilde men 11 tamyz aralyǵynda ótedi.