Parıj Olımpıadasy: Qazaqstandyq dzıýdoshylardyń jarys kestesi belgili boldy

<p>ASTANA. KAZINFORM - Qazaqstandyq dzıýdoshylardyń 2024 jylǵy Parıj Olımpıadasyndaǵy jarys kestesi belgili boldy.</p>

Olımpıadada jarysty 27 shildede Abıba Abýjaqynova (48 keli) men Eldos Smetov (60 keli) bastaıdy. Odan keıin 28 shildede Ǵusman Qyrǵyzbaev (66 keli), 29 shildede Danııar Shamshaev (73 keli), 30 shildede Abylaıhan Jubanazar (81 keli) men Esmıgúl Kýıýlova (63 keli) jalǵastyrady. 

Al 1 tamyzda Nurlyhan Sharhan (100 keli), 2 tamyzda Kamıla Berliqash (78 keli) tatamıge shyqsa, 3 tamyzda aralas komandalyq jarys bolady. 

2016 jyly Rıo-de-Janeıro (Brazılııa) qalasynda ótken Olımpıadada Eldos Smetov (60 keli) kúmis, Otgontsetseg Galbadrah (48 kg) qola júldeger atanǵan edi. 

2020 jyly Tokıo Olımpıadasynda Eldos Smetov úzdik úshtikti túıindep, qazaq sporty tarıhyna esimin altyn árippen jazdy. 

Jalpy Parıj qalasynda sporttyń atalǵan túrinen 14 salmaqta 372 sportshy (erler men áıelder sany teń) synǵa túsedi.