Parıj Olımpıadasy: Qazaqstan qorjynynda qazir qansha joldama bar

<p>Bıyl Frantsııa tórinde alaýy tutanatyn XXXIII jazǵy Olımpıada oıyndaryna daıyndyq qyza túsýde. Jarty jyldaı ýaqyt qalǵan basty dodaǵa el quramasy qazirge deıin sporttyń 8 túri boıynsha 17 lıtsenzııa alyp úlgerdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Atap aıtsaq, qazaqstandyq sportshylar jańa jylǵa deıin sadaq atý, veloshosse, oq atý, qazirgi bessaıys, grek-rım jáne erkin kúres, boks jáne sporttyq gımnastıkadan joldama jeńip aldy.

Alda Parıj Olımpıadasyna lıtsenzııa tartylatyn 90-ǵa tarta týrnır bar. Demek, tórtjyldyq basty básekege barýǵa sportshylar aldaǵy ýaqytta bilek sybana kiriseri daýsyz.

Esterińizge sala keteıik, Parıjdegi Olımpıada oıyndarynda 32 sport túrinen 329 medal jıyntyǵy sarapqa salynady.

2024 jylǵy Olımpıada oıyndarynyń baǵdarlamasyna engen sport túrleri: akademııalyq esý, badmınton, basketbol (onyń ishinde 3x3 basketbol bar), boks, kúres, breıkıng, velosport, sý sporty túrleri, voleıbol, jaǵajaı voleıboly, gandbol, gımnastıka (batýt, sporttyq gımnastıka, kórkem gımnastıka), golf, baıdarka men kanoede esý, dzıýdo, at sporty, jeńil atletıka, ústel tennısi, jelkendi sport, regbı-7, serfıng, skeıtbordıng, qazirgi bessaıys, sporttyq quzǵa órmeleý, sadaq atý, sporttyq atý, tennıs, trıatlon, taekvondo, aýyr atletıka, fýtbol, kógaldaǵy hokkeı.

Aıta keteıik, Parıjdegi Olımpıada oıyndary osy jyldyń 26 shildesi men 11 tamyzy aralyǵynda ótedi.