Parıj olımpıadasy: Halyqaralyq Paralımpıada komıteti para jeńil atletterine taǵy eki kvota bóldi

<p>ASTANA. KAZINFORM &mdash; Halyqaralyq Paralımpıada komıteti Qazaqstannyń halyqaralyq arenada sátti óner kórsetýin eskere otyryp, elimizdiń para jeńil atletterine Parıj-2024 oıyndaryna qatysýǵa úsh kvota bóldi. Bul týraly QR Týrızm jáne sport mınıstrligi málim etti.</p>

Belgilengen úsh kvotanyń birin 2023 jyly para jeńil atletıkadan álem chempıonatynda qola júldeger atanǵan Dastan Muqashbekov ıelendi. Qalǵan eki kvota ulttyq quramadaǵy bir áıelge jáne bir er adamǵa bólindi. 

«Jattyqtyrýshylar shtaby men Dene múmkindikteri shekteýli tulǵalarǵa arnalǵan sporttyq daıarlyq ortalyǵynyń qyzmetkerleriniń sheshimimen qalǵan eki kvota kimge beriletindigi anyqtalady. Tańdaý kezinde sportshylardyń álemdik reıtıngteri, olardyń sońǵy jetistikteri men aǵymdaǵy sporttyq daıyndyǵy eskeriletin bolady», - dedi Dene múmkindikteri shekteýli tulǵalarǵa arnalǵan sporttyq daıarlyq ortalyǵynyń komanda bastyǵy Máýlen Násipqalı.

Qazirgi ýaqytta Qazaqstannyń Paralımpıada oıyndarynda sporttyń 8 túrinen 16 lıtsenzııa bar. Olardyń ishinde: para paýerlıftıng (1), para jeńil atletıka (3), para júzý (4), voleıboldy otyryp oınaý (1), para ústel tennısi (1), para taekvondo (3), para kanoe (2) jáne para oq atý (1). Bıylǵy Paralımpıada oıyndary 28 tamyz ben 8 qyrkúıek aralyǵynda Parıjde ótedi.

Jarysta 23 sport túrinen 549 medal jıyntyǵy oınalady.