Parıj olımpıadasy: 5 shildege deıin jeńil atletıkadan taǵy da lıtsenzııaǵa úmittimiz — Serik Jarasbaev
Qazirgi ýaqytta lıtsenzııa jeńip alǵan barlyq sportshylar sport túriniń ereksheligin, fızıologııasyn jáne qajettilikterin eskere otyryp, jeke jospar boıynsha daıyndalyp jatyr. Daıarlaý jumystaryn sátti ótkizý úshin 10 sport túrinen 14 sheteldik maman tartyldy.
«Memleket basshysynyń tapsyrmasy boıynsha sport salasyndaǵy basqarý ınstıtýttary arasynda tıimdi kommýnıkatsııalardy úılestiretin jáne qamtamasyz etetin Shtab quryldy. Dene shynyqtyrý jáne sport akademııasymen birlesip keshendi ǵylymı top quryldy. Ol sportshylardyń tamaqtaný, taldaý, psıhologııalyq súıemeldeý, dárigerlik baqylaýdy qarastyryp, daıyndyqpen aınalysady. Sportty damytý dırektsııasy, Týrızm jáne sport ındýstrııasyn qoldaý qory tarapynan sportshylardy sapaly daıarlaý úshin barlyq qajetti jaǵdaılar jasalǵan. Ásirese medıtsınalyq, farmakologııalyq quraldarmen jáne sporttyq tamaqtanýmen qamtylǵan», — dedi QR týrızm jáne sport vıtse-mınıstr Serik Jarasbaev OKQ alańynda ótken baspasóz konferentsııasynda.
QR qurama komandasynyń qorjynynda 83 lıtsenzııa bar. 5 shildege deıin jeńil atletıkadan sportshylar taǵy da lıtsenzııalar jeńip alady dep kútilip otyr.