Parıj Olımpıadasy: 28 shildede qazaqstandyqtar qandaı nátıje kórsetti
Dzıýdoshy Ǵusman Qyrǵyzbaev (66 keli) fınalda serbııalyq Strahınıa Býnchıchti tize búktirip, qola medal aldy. Ony mamandar qazaq dzıýdosy tarıhyndaǵy trıýmf dep baǵalap otyr. Olımpıada oıyndarynyń alǵashqy eki kúninde bizdiń qurama 1 altyn, 1 qola júldege qol jetkizdi.
Pnevmatıkalyq vıntovkamen 10 metrden nysana kózdeýde Aleksandra Le fınalǵa shyqty. Ol irikteýde 631.4 upaı jınap, altynshy satyǵa turaqtady. Al Arına Altýhova bul synda 17-satyǵa jaıǵasty (627.7 upaı).
Bokstan áıelder arasynda 2 dúrkin álem chempıony Nazym Qyzaıbaı alǵashqy aınalymda Eýropa chempıonatynyń kúmis júldegeri Djıordana Sorrentınodan (Italııa) 4:1 basym tústi.
Pnevmatıkalyq vıntovkamen 10 metrden nysana kózdeýden erler arasyndaǵy jekeleı synnyń irikteýinde Islam Satpaev 628 upaı jınap, 21-oryndy mise tutty. Al Konstantın Malınovskıı 626.6 upaımen 32-orynnan kórindi.
Semserlesýden Qazaqstan erler quramasynyń kóshbasshysy Rýslan Qurbanov shırek fınalynda japon Kokı Kanodan utylyp qaldy. Al Elmır Álimjanov Federıko Vısmaraǵa (Italııa) ese jiberse, Vadım Sharlaımov ekinshi kezeńde súrindi.
Bokstan ulttyq qurama kapıtany Aslanbek Shymbergenov (71 keli) alǵashqy aıqasynda Azııa chempıonatynyń kúmis júldegeri Zeııad Ishaıshqa 2:3 esebimen jeńilip, jarys jolyn erte aıaqtady.
Badmıntonshy Dmıtrıı Panarın Parıj Olımpıadasynyń irikteýinde Kenta Nısımotodan (Japonııa) utyldy.
Akademııalyq eskek esýden Vladıslav ıAkovlev jubanysh kezeńindegi 3-shi altylyqta jarysyp, márege tórtinshi bolyp jetti. Ýaqyt kórsetkishi - 7:21.12.
Tennısten A.Shevchenko 18 jasar cheh tennısshisi ıA.Menshıkten 0:2 esebimen jeńildi.
Aıta ketsek, qazirge deıin el quramasy qorjynyna úsh medal tústi. Dzıýdodan Eldos Smetov (60 keli) chempıon atandy.
Al dzıýdoshy Ǵusman Qyrǵyzbaev (66 keli) pen Aeksandra Le men Islam Sátbaev aralas komandalar arasyndaǵy jarysta el qorjynyna qola júlde saldy.