Parıj meri Olımpıada oıyndary aldynda Sena ózenine tústi

<p>ASTANA. KAZINFORM&mdash;Parıj meri Ann Idalgo Olımpıada qarsańynda Sena ózeniniń jarystarǵa jaramdy ekenin tekserý úshin sýǵa shomyldy, dep jazady&nbsp;<a href="https://tass.ru/" target="_blank" rel="noopener">TASS</a>.</p>

Sýǵa túsý jandarmdar men qutqarý qaıyqtarynyń, sondaı-aq kóptegen BAQ ókilderiniń baqylaýymen ótti. Ákimdiktiń málimetinshe, 150 BAQ qyzmetkeri osy oqıǵany kórsetý úshin akkredıtatsııadan ótýdi suraǵan.

Sonymen qatar, on shaqty áýesqoı sportshy sýǵa tústi.

Qalalyq ákimdik basshysy ózen sýlarynda olımpıadalyq júzý jarystaryn ótkizýge barlyq jaǵdaı jasalǵanyna senim bildirdi. 2024 jyldyń jazynda Olımpıada oıyndary aıasynda Parıjde ashyq sýda júzý jarystary (8-9 tamyz) jáne trıatlon kezeńin (30-31 shilde) ótkizý josparlanǵan.