Parıj meri Olımpıada aldynda Senada júzýdi josparlap otyr

<p>ASTANA. KAZINFORM - 17 shilde kúni Parıj qalasynyń meri Ann Idalgo Olımpıada bastalardan toǵyz kún buryn Sena ózenindegi sýdyń sapasyn ózi teksermekshi.</p>

Le Figaro basylymy Ann Idalgo Sena ózenine 17 shilde sársenbi kúni tańerteń túsetinin habarlady.

Sonymen qatar Parıj meri sport federatsııalarynyń birimen, sonyń ishinde Ashyq sýda júzý federatsııasynyń lıtsenzııasyna ıe júzýshilerge qosylýdy usyndy. Alaıda qalalyq ákimdik bul is-shara «júzý úshin lastaný sheginen asyp ketken jaǵdaıda keıinge qaldyrylýy múmkin» dep eskertti.

Bastapqyda Parıj meri Senaǵa túsýdi 23 maýsymǵa josparlady. Alaıda maýsymdaǵy qolaısyz aýa raıy ózenniń bakterıologııalyq lastanýyna áser etti. Sonymen qatar Ulttyq Assambleıanyń kezekten tys saılaýyna baılanysty olımpıadaǵa deıingi sımvoldyq sátti keıinge qaldyrýǵa týra keldi.

Sena ózeniniń tazalyq deńgeıi maýsym aıynyń sońynda jaqsaryp, ózende josparlanǵan olımpıadalyq is-sharalardan tórt apta buryn júzý standarttaryna saı bolǵany habarlanda.

Olımpıadanyń ashylý saltanatynan keıin 26 shilde kúni Senada trıatlonnan (30 jáne 31 shilde, 5 tamyz), júzý marafonynan (8 jáne 9 tamyz) jáne paratrıatlonnan ( 1 jáne 2 qyrkúıek) jarys ótýi kerek. Alaıda qatty jaýyn-shashyn bolǵan jaǵdaıda, tazartylmaǵan sý – jańbyr men aǵyndy sýlardyń qospasy ózenge aǵyzylýy múmkin. Ol úshin bılik oıyn aldynda arnaıy tirek qurylǵy ornatqan.