Parıj masters týrnıri: Býblık álemniń 14-raketkasyn jeńdi

<p>Qazaqstannyń birinshi, álemniń 33-raketkasy Aleksandr Býblık Parıj masters týrnıriniń ekinshi aınalymyna shyqty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Qazaqstandyq tennısshi alǵashqy aınalymda álemniń 14-raketkasy, amerıkalyq Frensıs Tıafomen sheberlik baıqasty.

A.Býblık bir saǵattan astam ýaqytqa sozylǵan matchta 6:3, 6:4 esebimen jeńiske jetti. Ol osy ýaqyt ishinde 11 eıs jasap, 4 breık-poınttyń teń jartysyn múlt jibergen joq. F.Tıafo 4 eısten asa almady.

Aleksandr Býblık 1/8 fınalǵa shyǵý úshin álemniń 20-raketkasy, Chılı ókili Nıkolas Harrımen talasady.

Ótken jyly qazaqstandyq sportshy alǵashqy aınalymnan asa almaǵan edi.

Bıylǵy sońǵy masters dodasy 5 qarashada máresine jetedi.

Eske sala keteıik, budan buryn WTA qorytyndy týrnırinde Elena Rybakınanyń alǵashqy matchynda jeńilip qalǵanyn jazǵan edik.

Sondaı-aq Qazaqstan jasóspirimder quramasynyń Devıs kýbogindegi qarsylastary anyqtaldy.