Parıj marafony koronavırýsqa baılanysty ótkizilmeıdi
Bastapqyda marafondy ótkizý 5 sáýirge josparlanǵan edi, alaıda uıymdastyrýshylar indet órship ketkendikten jarysty keıinge qaldyrdy. 18 qazan kúni ótkizý kózdelgen, keıinirek ol 15 qarashaǵa qaldyryldy.
Alaıda, Frantsııada COVID-19 juǵý kóbeıgendikten jáne kóptegen halyqaralyq jelaıaqtar jarysqa kelý úshin qıyndyqqa tap bolǵandyqtan uıymdastyrýshylar 2020 jylǵy jarysty ótkizbeý týraly sheshim qabyldady.
«Parıj marafonyna qatysýǵa nıet bildirgender jarysqa ázirlenip kóp ter tókti. Sondyqtan olar osy jaǵdaıǵa baılanysty qynjylys bildirdi. Biz Ville de Paris-ben etene jumys istep, álemniń eń ádemi kóshelerinde eń myqty sportshylardy jınaıtyn 2021 jylǵy jarysqa daıyndalamyz. Bıylǵy jarysqa tirkelgen sportshylar kelesi jylǵa da jazyldyryldy. Eger qatysýdy qalamasa, olar arnaıy keýdeshe men qosymsha optsııalarǵa jumsalǵan somaǵa teń vaýcher alady, nemese 18 aıdan keıin ótemaqy tólenedi», - delingen uıymdastyrýshylar málimdemesinde.
Bıyl álemdik tórt marafon - Boston, Berlın, Nıý-Iork jáne Chıkago marafondary ótken joq. Al Londondaǵy marafonǵa tek sanaýly sportshy qatysqan.