Parıj mańynda polıtsııa qarý qoldanǵannan keıin tártipsizdik oryn aldy

BRıÝSSELЬ. QazAqparat. Nanter qalasynda (Frantsııa) polıtsııa qyzmetkeri qarý qoldanyp, saldarynan 17 jastaǵy turǵyn qaza tapty. Bul oqıǵa jergilikti jastar men polıtseıler arasynda kıkiljiń týdyrdy, dep habarlaıdy QazAqparat tilshisi.

Nanter - Frantsııadaǵy qala, Parıjdiń shetindegi eń úlken qalalardyń biri, Frantsııa astanasynyń ortalyǵynan 11 shaqyrym jerde ornalasqan. Qala turǵyndarynyń sany 90 myńǵa jýyq adamdy quraıdy.

Frantsýz aqparat quraldarynyń habarlaýynsha, seısenbi kúni tańerteń polıtsııa qyzmetkeri polıtsııa buıryǵyn oryndaýdan bas tartqan kólik júrgizýshisine qarsy qarýdan oq atqan. Saldarynan 17 jastaǵy jasóspirim polıtsııa oǵynan kóz jumdy. Sońǵysy qasaqana kisi óltirgeni úshin qamaýǵa alyndy, dep habarlady Nanter prokýratýrasy.

«Alkogol men esirtkiniń bar-joǵyn anyqtaý úshin qan analızi júrgizildi, olar teris nátıje kórsetti», - delingen prokýratýra taratqan habarlamada.

Osy kúni keshke polıtsııa qyzmetkerleri men qaıtys bolǵan jas júrgizýshi turatyn Ve Pon aýdanynyń birneshe jas turǵyndary arasynda qaqtyǵystar bastaldy.

Qaýipsizdik kúshteri kózden jas aǵyzatyn gaz qoldandy, jergilikti turǵyndar petarda men basqa da jarylǵysh zattardy qoldanǵan birneshe shabýylǵa ushyrady. Jaýap retinde jyljymaly kúshterdiń eki otrıady, onyń ishinde «qalalyq zorlyq-zombylyqpen» kúresýge mamandanǵandar da jiberildi.

«28 maýsymǵa qaraǵan túni on úsh adam qamaýǵa alyndy», - dep habarlady Le Figaro gazetine polıtsııanyń bas keńsesinde.

Frantsııanyń ishki ister mınıstri Jerald Darmanın tvıtterde Ulttyq polıtsııanyń bas ınspektsııasy «osy dramanyń mán-jaıyn anyqtaý úshin» tergeý júrgizip jatqanyn jazdy.