Parıj ben Brıýsseldegi teraktilerdi uıymdastyrýshylarǵa kómekteskender ustaldy
22:31, 11 Qańtar 2017
BRıÝSSELЬ. QazAqparat - 2015 jyly Parıjde, 2016 jyly Brıýsselde bolǵan teraktilerdi uıymdastyrýshylarǵa qolǵabys etken jup Belgııa astanasynda qolǵa tústi. Bul týraly «QazAqparat» HAA-niń menshikti tilshisi jergilikti La Dernière Heure basylymyna silteme jasap habarlaıdy.
Basylymnyń málimetterinshe, polıtsııa qyzmetkerleri terrorlyq áreketterge qarsy júrgizilgen operatsııa barysynda er men áıel azamatty ustady. Olarǵa terrorısterdiń bir-birimen baılanys ornatyp otyrýlaryna qolǵabys etti degen kúdik keltirilip otyr.
Aıta keteıik, 2015 jyldyń 13 qarashasy kúni Parıjde birneshe márte terrorıstik aktiler oryn alyp, 130 adam mert boldy. Taǵy 350 adam zardap shekti. 2016 jyldyń 22 naýryzy kúni Brıýsseldiń halyqaralyq áýejaıynda eki jarylys boldy. Odan soń jankeshti Belgııa astanasyndaǵy «Maelbek» metro stantsııasynda ózin jaryp jiberdi. Osy árekettiń saldarynan 32 adam mert bolyp, 250 adam dene jaraqatyn aldy.