Parıj 2024 jylǵy Olımpıadaǵa deıin áýe taksıin iske qosady

<p>2024 jylǵy Olımpıadaǵa deıin Parıj áýe taksıi qyzmetin iske qosýdy josparlap otyr. <a href="https://kaz.inform.kz/" target="_blank" rel="noopener">QazAqparat </a>bul týraly <a href="https://ru.euronews.com/next/2023/09/22/polety-vo-sne-i-na-taksi-parizh-obzavedetsya-gorodskim-aerotransportom" target="_blank" rel="noopener">Euronews </a>agenttigine silteme jasap habarlaıdy.</p>

Skyports kompanııasynyń Eýropa jáne Taıaý Shyǵys boıynsha ınfraqurylym bóliminiń jetekshisi Damıan Kıselıdiń aıtýynsha, taksıge minetin adam áýeli tirkeýge barady. «Taksıge minetin siz jáne bul sizdiń ýaqytyńyz ekenine kóz jetkizýimiz kerek. Shaǵyn kútý zalymyz bar, ushýǵa 5 mınýt qalǵanda sizden áýe taksıiniń bortyna kóterilýdi suraıdy. Siz bıometrııa portalynan ótesiz, boldy».

Taksı Parıj mańyndaǵy bes vertıporttardyń birinen ushady. Taǵy bir ushý alańy Senadaǵy qalqyma barjada ornalasqan.

Áýede elektrlik taksılerdiń ushýyna áli Frantsııa turǵyndary ruqsat berýi kerek. Jobaǵa qatysatyn Aéroport de Paris toby jańa qurylǵylardyń dybysy tikushaqtan 4 ese tynysh deıdi.

ADP atqarýshy dırektory Edvard Arkraıt tómen kómirtekti avıatsııa túrin túrli qyzmetke paıdalanýǵa bolatynyn aıtady.

«Biz birinshi kezekte adam, sálemdemeler, apat jáne medıtsına qyzmetterin tasymaldaýdy oıladyq. Biraq áli bizdiń oıymyzǵa kirip-shyqpaǵan salalar da bar», - dep atap ótti ol.

Áýe taksıin nemistiń Volocopter toby eki oryndyq jeńil ushaqpen jetkizedi. Qazir kompanııa Avıatsııa qaýipsizdigi boıynsha Eýropa agenttiginen ruqsatty kútip otyr. Volocopter kommertsııalyq dırektory Jan-Krıstof Draı «Birinshi kezektegi mindetimiz – kólikti sertıfıkattaý» dep atap ótti.
Olımpıadanyń ashylýyna bir jyldan az ýaqyt qaldy. Osy aralyqta kompanııa retteý organdary men bılik ókilderin sendirýi kerek.