Parıj-2024: Ústel tennısinen qazaqstandyq sportshy qarsylasyn oısyrata utty

<p>PARIJ. KAZINFORM &ndash; Búgin Frantsııa astanasy Parıj qalasynda ótip jatqan Olımpıada oıyndarynda ústel tennısinen el namysyn qorǵap jatqan sportshymyz Kırıll Gerasımenko alǵashqy aınalymnan súrinbeı ótti.</p>

Ol alǵashqy básekesinde chılılik qarsylasyna esh múmkindik bermeı, 4:0 esebimen jeńiske jetti.
Kırıll Gerasımenko kelesi matchta 1/32 aınalymda Gerasımenko Portýgalııa ne bolmasa Germanııa qúramasynyń sportshysymen kezdesedi.

Foto: Týrar Kazangapov

Aıta keteıik, Parıj olımpıadasynda qazaqstandyq 80 sportshy sporttyń 25 túrinen synǵa túsip jatyr. 

Foto: Týrar Kazangapov

Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.

Parıj qalasynda ótip jatqan XXXIII jazǵy Olımpıada oıyndary resmı túrde keshe alaýy tutanǵan bolatyn. Oıyndar 11 tamyzda máresine jetedi.