Parıj-2024: Ulttyq qurama formasy, medaldan úmitti sportshy, joldama sany talqylandy

<p>ASTANA. KAZINFORM &ndash; Búgin Parıj Olımpıadasynyń bastalýyna týra 158 kún qaldy. Osyǵan oraı Astanada Parıj 2024 Olımpıadasyna daıynlyq shtaby kezekti QR TSM Sportty damytý dırektsııasy men QR Ulttyq Olımpıada komıteti ókilderimen birikken kezdesý otyrysyn ótkizdi.</p>

Atalǵan jıyn barysynda birqatar másele talqylandy.

Jospar boıynsha 25 sport túri boıynsha lıtsenzııalardyń sanyn 90-ǵa deıin jetkizý mindeti tur. Sondaı-aq, júldege úmitker 54 sportshydan turatyn tizim jasaqtaldy. Qurama kóshbasshylary ár sport túriniń ereksheligin eskere otyryp, jeke jospar boıynsha daıyndalady. Bir sózben aıtqanda - olar eshteńege muqtaj bolmaıdy. Olımpıada aldyndaǵy testilik jarystarǵa qatysý da mańyzdy ekeni tilge tıek etildi. Ár sport túriniń jarys kestesine sáıkes, komandalardyń Parıjge ushyp barý ýaqyty bekitiletin boldy.

Sonymen qatar, ulttyq qurama sport kıimi úlgisiniń dızaınyn bekitip, ony daıyndaý erekshe nazarda bolatyny eskerildi.

Foto: Sportty damytý dırektsııasy

Esterińizge sala keteıik, búginde Qazaqstan quramasynyń qorjynynda sporttyń 8 túri boıynsha 19 joldama bar (sadaq atý - 4, tas joldaǵy velosport - 3, nysana kózdeý - 5, qazirgi bessaıys - 2, boks – 2, grek-rım kúresi - 1, erkin kúres - 1, sporttyq gımnastıka - 1).

Aıta keteıik, 2024 jylǵy 17 sáýirde búkil el boıynsha «Olımpıadaǵa 100 kún» is-sharasy ótedi. Aıtýly kúnge oraı fleshmobtar men sporttyq jarystar uıymdastyrylady.

Tórtjyldyqtyń basty dodasy 26 shilde men 11 tamyz aralyǵynda Frantsııa astanasy Parıjde ótedi. Oǵan álemniń 205 elinen 10 myńnan astam sportshy qatysyp, 32 sport túrinen 329 medal jıyntyǵy sarapqa salynady.