Parıj-2024: Tennısten Olımpıada jerebesi tartyldy

<p>PARIJ. KAZINFORM &ndash; Búgin Rolan Garros stadıonynda tennısten Parıj Olımpıadasynyń jerebesi tartylyp, tennısshilerimizdiń birinshi aınalymdaǵy qarsylastary anyqtaldy.</p>

Jekeleı synda elimizdiń birinshi raketkasy Elena Rybakına alǵashqy aınalymda Rýmynııa tennısshisi Krıstıan Jaklınmen oınaıdy.

ıÝlııa Pýtıntseva ýkraınalyq Marta Kostıýkpen sheberlik baıqasady.

Erler arasynda Qazaqstannyń birinshi, álemniń 25-raketkasy Aleksandr Býblık jarysty AQSh tennısshisi Teılor Frıtske qarsy matchpen bastasa, taǵy bir otandasymyz Aleksandr Shevchenko Chehııa sportshysy ıAkýb Menshıkke qarsy oınaıdy.

Juptyq synnyń jerebesi:

Býblık/Nedovesov (Qazaqstan) – Popyrın/De Mınaýr (Aýstralııa)

Jerebe rásimine qonaq retinde túrli Olımpıada júldegerleri, atap aıtqanda Endı Marreı (Rıo-2016, altyn), Rafael Nadal (Pekın-2008, altyn), Stanıslav Vavkrınka (Pekın-2008, juptyq synda altyn), Elına Svıtolına (Tokıo-2020, qola) jáne Andjelık Kerber (Rıo-2016, kúmis) qatysty.

Aıta keteıik, tennıs oıyndary 27 shilde men 4 tamyz aralyǵynda topyraq tósenishinde áıgili Rolan Garros stadıonynda ótedi.

Osyǵan deıin ústel tennısinen Ulttyq komandanyń kóshbasshysy Kırıll Gerasımenko Parıj Olımpıadasyndaǵy birinshi oıynda chılılik atlet Nıkolas Býrgospen sheberlik baıqasatyny týraly jazǵan bolatynbyz.

Sporttyń bul túrinen jarys 27 shildede bastalady.