Parıj-2024: Taekvondo, stend atý jáne qazirgi bessaıystan el namysyn kimder qorǵaıdy
Osyǵan oraı búgin nazarlaryńyzǵa taekvondo, stend atý jáne qazirgi bessaıystan el namysyn qorǵaıtyn sportshylarymyzdy qysqasha tanystary ketkendi jón kórdik.
Olımpıadaǵa baratyn sportshylardyń qysqasha málimetteri:
Taekvondo
Samırhon Sarvarhonuly Ababakırov — 2003 jyly 26 qyrkúıekte Shymkent qalasynda dúnıege kelgen.
Batyrhan Bolatuly Tóleýǵalı — 2006 jyly 25 shildede Shyǵys Qazaqstan oblysy, Zaısanda dúnıege kelgen.
Stend atý
Edýard Andreevıch Eşenko — 1999 jyly 13 qarashada Almaty qalasynda dúnıege kelgen.
Aralas juptyq saıystan álem chempıonatynyń qola júldegeri (2022)
Ásem Maratqyzy Orynbaı — 1993 jyly 7 qyrkúıekte Almaty oblysynda dúnıege kelgen.
Aralas juptyq saıystan álem chempıonatynyń qola júldegeri (2022)
Marııa Aleksandrovna Dmıtrenko — 1988 jyly 24 naýryzda Shymkent qalasynda dúnıege kelgen.
Aralas juptyq saıystan álem chempıonatynyń qola júldegeri (2023)
Qazirgi bessaıys
Elena Potapenko — 1993 jyly 20 sáýirde Astana qalasynda dúnıege kelgen.
Georgıı Boroda-Dýdochkın — 2001 jyly 16 qarashada Jambyl oblysynda dúnıege kelgen.
Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr. Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.
Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.
Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.