PARIJ. KAZINFORM – Frantsııa astanasynda ótip jatqan Olımpıada oıyndarynda sadaq atýdan Qazaqstan erler quramasy synǵa tústi. Ókinishke qaraı, otandastarymyz 1/8 fınaldan asa almady.
Otandastarymyz bul básekede Italııa komandasymen sheberlik baıqasty. El namysyn Ilfat Abdýllın, Dáýletkeldi Jańbyrbaı, Aleksandr Eremenko qorǵady. Jarystyń negizgi ýaqytynda jerlesterimiz básekeni 4:4 esebimen teń aıaqtady.
Alaıda, qosymsha ýaqytta qarsylastaryna jol berip aldy.
Esterińizde bolsa, sadaqshylarymyz Olımpıada oıyndaryn eń birinshi bolyp bastaǵan bolatyn. Olar 25 shildede reıtıngtik raýndta synǵa túsken edi. Ilfat Abdýllın 29-oryn (663 upaı) alsa, Dáýletkeldi Jańbyrbaı 22-orynǵa (668 upaı), Aleksandr Eremenko 59-orynǵa (640 upaı) taban tiregen edi.
Kúnsultan Otarbaı
Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan.
2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst.
Seıdaqmet Berdiqulov atyndaǵy arnaıy syılyqtyń laýreaty.