Parıj-2024: Sadaqshylarymyz pleı-off kezeńinde kimdermen saıysqa túsedi

<p>PARIJ. KAZINFORM &ndash; Parıj Olımpıadasynda jarysty birinshi bolyp bastaǵan sadaq atýshylarymyzdyń pleı-off kezeńindegi qarsylastary belgili boldy.</p>

Naqtyraq aıtsaq, komanda kóshbasshysy Ilfat Abdýllın reıtıngtik kezeńde 29-orynǵa turaqtap, 36-satyǵa taban tiregen kanadalyq Erık Pıterske qarsylas atandy.

Al Dáýletkeldi Jańbyrbaı (22-oryn) kolýmbııalyq Horhe Enrıkespen (43), Aleksandr Eremenko (59) frantsýz Batıs Addıspen saıysqa túsedi.

Aıta keteıik, 1/32 aınalym 30 shildede ótedi. Al komandalyq saıysta Qazaqstan 1/8 fınalda Italııamen 29 shildede kim myqtyny anyqtaıdy. Osy juptyń jeńgeni jarys qojaıyny Frantsııamen ózara myqtyny anyqtaıdy.

Esterińizge sala ketsek, osyǵan deıin sadaq atýdan jekeleı synnyń irikteýinde otandastarymyz qandaı kórsetkishke qol jetkizgenin jazǵan bolatynbyz.

Aıta ketsek, erteń, 26 shildede keshke Parıj Olımpıadasynyń resmı ashylýy ótedi. Memlekettik Týdy boksshy Aslanbek Shymbergenov pen Olga Safronova (jeńil atletıka) ustaıdy. Aıta keteıik, Parıjdegi jazǵy Olımpıadada Qazaqstan quramasynyń 80 atleti 25 sport túrinen synǵa túsedi. XXXIII oıyndar 11 tamyzda máresine jetedi.