Parıj-2024: Rýslan Qurbanov shpagamen semserlesýde shırek fınalda jeńildi
20:15, 28 Shilde 2024
<p>PARIJ. KAZINFORM – Parıj Olımpıadasynda shpagamen semserlesýden el namysyn qorǵaǵan Rýslan Qurbanov shırek fınalda japonııalyq qarsylasyna jol berip qoıdy. </p>
Naqtyraq aıtsaq, shpagamen semserlesý básekesiniń shırek fınalynda qazaqstandyq semserlesýshi Rýslan Kýrbanov japonııalyq Kano Kokımen synǵa túsken bolatyn. Úsh kezeńniń nátıjesi boıynsha Rýslan Qurbanov 6:15 esebimen qarsylasyna jol berdi.
Japonııalyq semserlesýshi Kano Kokı 2021 jylǵy Tokıo Olımpıadasynda komandalyq básekede jeńimpaz atanǵan tájirıbeli sportshylardyń biri.
Aıta keteıik, osyǵan deıin otandasymyz frantsııalyq Romen Kannonmen sheberlik baıqasyp, úsh kezeńniń qorytyndysy boıynsha qarsylasyn 15:10 esebimen jeńgen bolatyn.