Parıj-2024: Olımpıadashylar qandaı qonaqúılerge ornalasady

<p>ASTANA. KAZINFORM - Frantsııa astanasy Parıj qalasynda ótetin HHHІІІ jazǵy Olımpıada oıyndarynyń bastalýyna búgin týra 14 kún qaldy. Búgin tórtkil dúnıe kóz tigetin tórtjyldyq dodany uıymdastyrý komıteti sportshylarymyz qonaqtaıtyn Olımpıada qalashyǵyn kórsetti.</p>

Olımpıada qalashyǵy kelesi aptadan bastap, kelýshilerin qarsy ala bastaıdy. Qalashyqtyń aýmaǵy 300 myń sharshy metrdi quraıdy. Onda Parıj Olımpıadasy jáne Paralımpıada oıyndarynyń qatysýshylary turaqtaıdy.

Álemniń 200-den astam elinen 15 myńǵa jýyq sportshylardy ornalastyratyn ǵımarat zamanaýı jáne ár túrli pishinde negizi qalanǵan.

7 jyl ýaqyt jumsalǵan 80-nen astam ǵımaratta 7 200 bólme bar.

Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr.

Qazaqstan quramasy Olımpıada oıyndaryna sporttyń 25 túrinen 80 joldama jeńip aldy. Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi. 

Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.