Parıj-2024: Olımpıadada boks pen kórkem gımnastıkadan el namysyn kimder qorǵaıdy
Osyǵan oraı búgin nazarlaryńyzǵa boks pen kórkem gımnastıkadan el namysyn qorǵaıtyn sportshylarymyzdy qysqasha tanystyra ketkendi jón kórdik.
Olımpıadaǵa baratyn sportshylardyń qysqasha málimetteri:
Boks
Sáken Іsmadııaruly Bıbosynov — 1997 jyly 3 shildede Túrkistan oblysynda dúnıege kelgen.
Tokıo Olımpıadasynyń qola júldegeri. Álem chempıony (2021)
Mahmud Aıdarhanuly Sabyrhan — 2001 jyly 9 qyrkúıekte Shymkent qalasynda dúnıege kelgen. Álem chempıony (2023)
Aslanbek Ábdikárimuly Shymbergenov — 1993 jyly 9 qazanda Jambyl oblysynda dúnıege kelgen.
Álem chempıony (2023)
Nurbek Rahatuly Oralbaı— 2000 jyly 11 maýsymda Astana qalasynda dúnıege kelgen.
Álem chempıony (2023)
Aıbek Rahatuly Oralbaı — 2000 jyly 11 maýsymda Astana qalasynda dúnıege kelgen.
Qamshybek Bısenbaıuly Qońqabaev — 1991 jyly 18 qarashada Qyzylorda qalasynda dúnıege kelgen.
Tokıo Olımpıadasynyń qola júldegeri. Álem chempıonatynyń 2 márte kúmis júldegeri (2017, 2019)
Muhammedsabyr Bazarbaıuly – 2002 jyly 27 qarashada Qyrǵyzstan Respýblıkasynda dúnıege kelgen.
Nazym Abaıqyzy Qyzaıbaı — 1993 jyly 14 qyrkúıekte Almaty oblysy, Іle aýdany, Alataý qalasynda dúnıege kelgen.
2 dúrkin álem chempıony (2014, 2016)
Karına Habırovna Ibragımova — 1996 jyly 8 shilde kúni Kókshetaý qalasynda dúnıege kelgen.
3 márte álem chempıonatynyń júldegeri (2018, 2022, 2023)
Valentına Olegovna Halzova — 1997 jyly 16 qańtarda Astana qalasynda dúnıege kelgen.
Álem chempıony (2016)
Kórkem gımnastıka
Eljana Erǵazy Tanıeva — 2005 jyly 6 qyrkúıekte dúnıege kelgen.
Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr. Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.
Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.
Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.
Aıta ketsek, osyǵan deıin semserlesý men dzıýdoshylarymyz jáne tennıs, ústel tennısi sonymen qatar trıatlonnan el namysyn qorǵaıtyn sportshylarymyz týraly qysqasha tanystyryp ótken edik.