Parıj-2024: Olımpıada alaýynyń dızaıny qandaı taqyryptardy qamtyǵan

<p>ASTANA. KAZINFORM - Parıj qalasynda ótetin HHHІІІ Jazǵy Olımpıada oıyndarynyń alaýy tutanýǵa búgin týra 11 kún qaldy. Osyǵan oraı alaýdyń dızaıny qandaı taqyryptardy qamtyp jatqany týraly derekterdi nazarlaryńyzǵa usynǵandy jón kórdik.</p>

Kez kelgen Olımpıada aldynda sol eldiń ishindegi qalalarda alaý estafetasynyń ótetindigi belgili. Parıj Olımpıadasyndaǵy alaýdyń dızaınynda sý, teńdik jáne álem taqyryptary qamtylǵan.

Estafeta barysynda alaý Atlant, Úndi, Tynyq muhıttary arqyly birneshe araldy qamtıdy. Al Parıj Olımpıadasynyń ashylýy Sena ózeninde ótedi.

Parıj Olımpıadasynda alǵash ret genderlik teńdik (erler men áıelderdiń úlesi - 50/50%) saqtalady.

Olımpıada jáne Paralımpıada oıyndary soǵysty toqtatyp, beıbitshilikke úgitteıdi.

Esterińizge sala ketsek, Parıj Olımpıadasynyń alaýy osy jyldyń 16 sáýirinde Grekııanyń Olımpııa qalasynda jaǵylǵan bolatyn.

Alǵashqy estafetalyq alaýdy eskek esýden Tokıo Olımpıadasynyń chempıony Stefanos Dýskos aldy. Aıta keteıik, alaýdy barlyǵy 600-den astam adam alyp júredi.

Grekııadan bastaý alǵan estafeta 8 mamyrda Frantsııanyń Marsel qalasyna jetkizilgen bolatyn. Estafeta barysynda Lasko úńgiri, Alezııadaǵy arheologııalyq qazbalar, ortaǵasyrlyq Karkasonna qalasy, Versal saraıy jáne basqa da tarıhı-mádenı ári kórikti jerler qamtylǵan.