Parıj-2024: Nurbek Oralbaı fınalǵa joldama aldy

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda Nurbek Oralbaı jartylaı fınalda qarsylasyn jeńip, fınalǵa shyqty.</p>

80 keli salmaqta el namysyn qorǵap jatqan otandasymyz jartylaı fınalda Domınıkan Respýblıkasynyń bylǵary qolǵap sheberi Krıstıan Haver Pınalespen judyryqtasyp, qarsylasynan basym tústi.

Foto: Vladıslav Semenov/ UOK

Osylaısha Nurbek Oralbaı fınaldyq kezeńge ótti. Ol – ázirge fınalǵa shyqqan jalǵyz qazaqstandyq boksshy.

Foto: UOK

Esterińizge sala keteıik, Nurbek shırek fınalda ázerbaıjandyq boksshy Mýrad Allahberdıevti jeńgen edi. 

Sondaı-aq otandasymyz osyǵan deıin aýstralııalyq Kallým Petersti jarys jolynan taıdyryp, shırek fınalǵa ótken bolatyn.