Parıj-2024: Qazaqstanǵa Olımpıadanyń alǵashqy joldamasyn syılaǵan sportshy

<p>ASTANA. KAZINFORM &ndash; Tórt jyldyqtyń basty dodasy &ndash; Parıj Olımpıadasynyń bastalýyna sanaýly aılar ǵana qaldy. ıAǵnı, sportshylar úshin eń jaýapty jáne mańyzdy kezeń bastaldy deýge bolady. Óıtkeni aldaǵy jarty jylda olar Olımpıadaǵa joldama jeńip alýǵa tyrysyp, Parıjdegi dúbirli dodaǵa daıyndalýy kerek. &nbsp;</p>

QR Týrızm jáne Sport mınıstrliginiń habarlaýynsha qazirgi tańda Qazaqstan ulttyq quramasynyń qorjynynda Olımpıadanyń 19 joldamasy bar. El sportshylarynan Parıjdegi dúbirli dodaǵa eń alǵashqy joldamanyń birin Islam Sátpaev jeńip aldy. Ol ótken jyly Ázerbaıjannyń bas shahary – Bakýde ótken nysana kózdeýden 53-shi lıtsenzııalyq álem chempıonatynda erler arasynda 10 metrge pnevmatıkalyq myltyqtan atý jattyǵýynda 206,5 upaımen 4-oryn alyp, Olımpıada lıtsenzııasyna ıe bolǵan edi.

Islam 1998 jyly 21 qyrkúıekte Almaty qalasynda dúnıege kelgen. Nysana kózdeý sportymen 7-synyptan beri aınalysyp keledi. Mektep qabyrǵasynda júrgende synyptasy Islamǵa tır atyp kórýdi usynady. Sol kezden bastap onyń oq atýǵa degen qyzyǵýshylyǵy oıanyp, birden nysana kózdeý úıirmesine jazylady. Halyqaralyq jarystardyń bolashaq júldegeri óziniń alǵashqy jattyqtyrýshysy Valentına Derıglazovanyń tálim-tárbıesimen osy sporttyń qyr-syryna qanyǵa bastaıdy. Eńbek sińirgen jattyqtyrýshy 5 jyl boıy Islamdy balalar sport mektebinde jattyqtyryp, tárbıeledi. Keıin Islam Sátpaev Mamandandyrylǵan joǵary sport sheberligi mektebine aýysyp, kúni búginge deıin eńbek sińirgen jattyqtyrýshy Gennadıı Nasonovtyń qol astynda jattyǵyp keledi.
Jerlesimiz 2023 jylǵy Álem kýboginde eki márte kúmis júlde jeńip alsa, Qytaıdyń Hanchjoý qalasynda máresine jetken Azııa oıyndarynyń qola medaldi moınynda jarqyratty.

Islamnan karerasyndaǵy eń qıyn jarysy týraly suraǵanymyzda ol: 

«Sportshylarǵa jarys aldyndaǵy fızıkalyq jáne psıhologııalyq daıyndyq qatty áser etedi. Eger oqý-jattyǵý jıyny, jarysqa daıyndyq barysy júıeli túrde ótkizilse, týrnır barysynda esh qıyndyq týyndamaıdy dep oılaımyn. Sondaı-aq emotsııasyn da jeńe alady», - dep jaýap berdi.

Parıj Olımpıadasyna joldama jeńip alǵanan keıin ol alǵashqy áserin týǵan-týystarymen bólisken. Olar Islamnyń ónerin teledıdar arqyly tamashalap, lıtsenzııa oljalaǵanyn sportshynyń ózinen buryn bilgen.

Qazirgi ýaqytta Islam jeke jattyqtyrýshysymen birge tórtjyldyqtyń basty dodasyna qarqyndy daıyndalyp jatyr.

«Menińshe, Per Kýbertenniń «Eń bastysy – jeńis emes, oıyndarǵa qatysý» degen urany eskirdi. Olımpıadaǵa qatysatyn kez kelgen sportshy medal oljalaǵasy keledi. Men de dál solaı oılaımyn. Biraq Olımpıadada sátti óner kórsetý úshin sportshy naǵyz sporttyq babynda bolýy kerek. Ol úshin daıyndyqty bir sátke de toqtatpaı, únemi sheberligińdi shyńdap otyrýǵa tıis», - deıdi Islam Sátpaev.

Bir aıta keterligi, Islamnyń jeke jattyqtyrýshysy Gennadıı Romanovıchpen ortaq qyzyǵýshylyǵy bar. Jattyǵýdan qoldary bosaı qalǵanda olar bir mezgil boı sergitip, balyq aýlaýǵa shyǵady.