Parıj-2024: Qazaqstandyq júzgish Ksenııa Ignatova Olımpıadany aıaqtady

<p>PARIJ. KAZINFORM &ndash; Parıjde ótip jatqan Olımpıada oıyndarynda búgin júzý sportynan Qazaqstan quramasynyń ókili Ksenııa Ignatova Parıj Olımpıadasynda baq synap, jarysty júldesiz aıaqtady.</p> <!-- [if !supportLineBreakNewLine]--> <p></p> <!--[endif]-->

Ol 100 metrge shalqalaı júzýden synǵa túsken bolatyn. Otandasymyz atalǵan qashyqtyqty 1 mınýt 2,51 sekýnd baǵyndyryp, márege ekinshi jetkenimen, bul nátıje jartylaı fınalǵa shyǵýǵa jetkiliksiz boldy.

Іrikteý kezeńiniń qorytyndysy boıynsha 1/2 fınalǵa úzdik nátıje kórsetken 16 sportshy ótti. Al Ignatova 26-orynǵa taban tiredi. Endi Parıj Olımpıadasynda taǵy bir qazaqstandyq júzgish Ádilbek Mýsın baq synaıdy. Ol 100 metrge erkin jáne batterflıaı ádisimen júzýden synǵa túsedi.

Esterińizge sala keteıik, Parıj qalasynda alaýy tutanǵan XXXIII jazǵy Olımp oıyndarynda jalpy 32 sport túrinen 329 medal jıyntyǵy sarapqa salynady.
Qazaqstan sportshylary tórt jyldyq dodada sporttyń 25 túrinen 92 joldama jeńip alǵan bolatyn.

Qazirshe Qazaqstan qorjynynda 1 altyn, 2 qola medal bar. Olımpıada oıyndary 11 tamyzda márege jetedi.